各位釣友，釣樂潮人第二期已經有得賣啦！請多多支持。

patrick9371 · 發表於 20/12/2011 12:47:22

請問係咪早2日出左但係紅磡重未有得買既

釣樂潮人 · 發表於 20/12/2011 14:53:37

patrick9371 發表於 2011-12-20 12:47

登錄/註冊後可看大圖

請問係咪早2日出左但係紅磡重未有得買既

上星期尾已經出版了, 可能咁啱未派到去紅磡, 現在各大書報攤及OK, Vanko便利已經有售了!! 多謝支持!!

yingg886 · 發表於 21/12/2011 00:13:09

已經買左牙…

釣樂潮人 · 發表於 21/12/2011 00:41:57

stevenyyc 發表於 2011-12-19 19:30

登錄/註冊後可看大圖

第二期睇到明顯進步特別係整本雜誌文章一致性創刊號篇章介紹黃立倉特別標點係閱讀上真係好唔舒服
...

首先多謝你的支持，你的意見我們會檢討一下，希望下期可以做得更好。

009MING · 發表於 21/12/2011 07:57:20

stevenyyc 發表於 2011-12-19 19:30

登錄/註冊後可看大圖

第二期睇到明顯進步特別係整本雜誌文章一致性創刊號篇章介紹黃立倉特別標點係閱讀上真係好唔舒服
...

講得好不過燒垃圾地點係大陸水域請出示大陸法例香港政府唔好意思佢無權管

小劉 · 發表於 23/12/2011 16:35:42

haha....我都忍唔住買左第二期，原因係我覺得本書已初做黎講，有無得著唔講，但幾有誠意，！
有幾個方向要讚下！
1) 步兵釣點 -- 今期除本港外有介紹埋深圳，呢個題目對我幾有新鮮！
2) 釣手專訪 -- 呢個要讚下，因為真係做得幾好，係文章睇到釣魚生活化既層面，所以我作為一個貪心既釣魚人，我覺得呢個環節要保持，之餘要多D訪問唔同既釣手、名人(可以分享下技術性既野！)
3) 釣法介紹 -- 今期有介紹前打等釣法，我覺得幾好！

讚之餘，應該彈下！
1) 文字上既較對，真係要做多D！(尤其D名人名字，唔好用錯比人笑)
2) 成本書......為缺乏技術上解說(呢方面可以參巧下日本雜誌，佢地做得幾好)，我認為如果一本書做出黎無令讀者有期待感係非常失敗，而技術方面我覺得可以參考日本或台灣既！
3) 內容有D空泛，我建議可以加些架生上既功能比較，例如磯釣架生就係個好題目，有排講！

總括來講，你既目標應該係一班擁有一定磯釣知識的讀者，而唔係一班新手！
謝！

zpm · 發表於 23/12/2011 17:10:22

OK冇得買嘅

釣樂潮人 · 發表於 23/12/2011 22:21:51

zpm 發表於 2011-12-23 17:10

登錄/註冊後可看大圖

OK冇得買嘅

太細間的OK是沒有賣的，因為地方太少。其實好多報灘都有得賣。多謝支持。

釣樂潮人 · 發表於 23/12/2011 22:33:02

本帖最後由釣樂潮人於 2011-12-24 13:51 編輯

小劉發表於 2011-12-23 16:35

登錄/註冊後可看大圖

haha....我都忍唔住買左第二期，原因係我覺得本書已初做黎講，有無得著唔講，但幾有誠意，！
有幾個方向要 ...

首先多謝你的支持。好的地方我們會保留，校對方面會再做好些，產品比對正在開發中。可以的話，會加多d技術在報導當中。希望未來的時間，釣樂潮人會達到國際水平啦！

lajan · 發表於 26/12/2011 02:04:24

本帖最後由 lajan 於 2011-12-26 02:05 編輯

釣樂潮人發表於 2011-12-23 22:33

登錄/註冊後可看大圖

首先多謝你的支持。好的地方我們會保留，校對方面會再做好些，產品比對正在開發中。可以的話，會加多d技術 ...

...第二期睇到...
開頭既魚具廣告好似亂擺咁. 相也不見得有放心機去影. 總括來說.. 難睇囉. (人地俾的話就沒法子了....)
之後再翻後少少... 去左蛇口........有多少人會去呢... 難道黑龍江那邊大爆釣也要報嗎.
跳過這一節. 已去了近五份一本書.... 心諗不妙了.
之後就係西貢外星人介紹...先唔講我本身唔玩呢味野.
但在睇內文呢... 有時D字放去圖片上係咪可以做得更易睇一D呢.同埋有一D相影得超暗. 點解都仲要用呢. 仲要一下就半版紙...
外礁那段字大多空位. . 但整體來講. 不過不失. 有細心排過版位. 也有釣點講解. 用具中魚時間等. 不錯. 努力.
之後到女釣手專訪. 都係果句. 好大隻字... 相好細. 給人用大字質版位的感覺. 但內文其實不錯的. 這部份值得欣賞. 也少見於別的地方.
之後. 又係西貢.... 但要拔船去都叫做方便釣點的話. 實在不能苟同了.
之後落入HECHI部份介紹.....內文係有心既... 個圖片竟然同一個輪不停出現N次再下面加幾隻字..................你們也覺得OK?
之後係上排. 唔理. 十年唔上一次. SKIP~
SKIP到DIY那邊就停低睇下先. 感覺良好... 但點解連全支竿係點都睇唔曬既呢.... 反正都係要介紹... 點解又唔影曬成支俾人睇呢..
全部都係得個柄..........支竿唔通係得個柄既......內文有講到用乜乜頭芯架喎...........唔通又要下期?....但又冇講架喎.........
之後LURE賽果段呢....字又幼又細, 字與字既間隔大同埋行距大. 實在睇死人. 睇左幾句就唔睇收工了.... 好辛苦.
之後....丫. 本野收工左架拿....我不斷咁咁其實我呢包餌既錢使左去邊呢.....
再者....對新手照顧方面實在不足...有唔少新手可能連點攪個釣組都唔識...身邊都有唔少人教極都唔識的....
同埋我睇完發現呢...原來香港看來只有東邊能釣魚...........西邊完全係冇, 係冇呀....冇呀.........
一般人可能覺得我硬係要搵野去話咁啦....
但其實睇完呢段字又再睇番本書...實在不能怪我又一大段字去抱怨呢. 唉.
下期會係點....實在不能抱有太大期望.. ANYWAY. 我還是會去買的. 也希望你地會做得更好...
丫係呀. 唔記得讚添. 最值得欣賞既係我終於唔使睇住本釣魚書人地以為我睇O靚模寫真了.
加多一句. 其實你地幾時出書既呢...費事我成日都問d釣魚鋪你地出左未啦...