西貢赤赤博大霧釣行

sunmoon · 發表於 18/12/2011 06:16:23

萬寶路發表於 2011-12-17 23:03

登錄/註冊後可看大圖

收到風聽日成五六艇出

今咪好熱閙

無煙食嗰時唔洗行今遠嚮側根第支過黎

你都咪話托手肟

萬寶路 · 發表於 17/12/2011 14:14:53

本帖最後由萬寶路於 2011-12-17 15:15 編輯

呢排西貢赤赤大咬！匙洲日日起十條八條赤赤！真係有身份證都有！朋友急到瀨吹雞去西貢扎馬！琴日早上06:00西貢出發！結果未出發先興奮！原來朋友吹雞帶出我渴望認識的釣友！就係肥狗兄同冇得輸兄！就算呢次冇魚都抵啦！咁到碼頭就嗱嗱淋出發啦！天都未光就開船！太陽伯伯未浦頭！西貢都算大風大湧！一到橋咀已經全部人濕曬身！唔理啦！叫艇家唔駛理我地！再開快D都唔驚！濕就濕啦！咁極速過咗孖排之後！我望一望我地目的地"匙洲"！哇！唔係卦！離遠已經見到燈光火著！車到埋去！見到隻磯艇O岩O岩掉頭走！呢次冇啦！成個匙洲已經企滿人！咁望二望我個朋友話！求其啦！是但有位都上啦！人有我有呀！咁我地五個人就逼咗上一個水滿時會上水O既地方！但都可以向上有安全地方！咁就嗱嗱聲開檔啦！唔夠幾個字！粉都未開好！又有隻快艇到啦！又有十個八個師兄到匙洲呀！咁隻艇望一望！冇曬位啊！佢隻艇就轉咗去吊鐘同匙洲水道狗窿果邊！好啦！咁正式開始釣啦！唔識用打字型容啦！總之上午個個有斷有甩！但冇條上到！尤其係冇得輸 c兄中條大O野！頂到叫救命！舉都舉唔起！由到到尾一手都收唔到！不到十秒斷埋！到十二點我都好肚餓啦！魚唔食人都要食！煮個杯麵食O下先！食完諗住抖一抖休息O下先！咦？離遠見到好似又有隻艇到！原來根仔又車一艇出O黎！哇！成個匙洲夾埋吊鐘夾埋起碼三四十人！真係想搵粒石上都冇呀！咁根仔問我地幾點走！我地話五點走！咁我就見佢就車咗隻艇走咗去吊鐘孖排果邊！點知一路釣唔覺唔覺！突然見到艇家出現！先知原來五點啦！嗱嗱聲又執O野走啦！走果時叫艇家兜個圈比我睇睇匙洲有幾多人！等我做個統計先！唔睇尤自可！一睇先知原來連匙洲後邊都企滿人！真係手快有手慢冇啦喂

附上西貢釣位攻略 真係手快有手慢冇啦喂

bbq B.jpg