1分鐘DIY藍燈 ~臭河決戰篇~

上回講到
為普及夜釣
減低成本+輕量化+提升靈活性既藍光燈係有必要既
於是產生左CREE電筒+DIY藍色FILTER既概念由然而生
今回……
正是正式考驗成果之日！


1月11日
梧桐河氣霸前平台
選擇呢度既原因
係相對地龍口少左街燈同大廈帶黎既光害
加上水深較大適合用長竿大漂重鉛……云云

首先介紹一直以黎既台柱——
雙光源釣魚照明燈！



由於係釣魚專用設計藍白雙光擁有合理既射程同光斑大細
但重量級既30小時連續放電（自稱）既6000MA鋰電
亦同時帶比佢重量級330g既體重！
加上為內蔵式不可缷載式既叉電
成為左佢致命既弱點！

體積較大需要放三腳架定位難於調較
亦都係佢經常仆直既原因！
相信大家都有中魚之後要拎抄網
而令佢失平衡仆直既經驗！
再者佢既身價接近兩舊
亦都唔平令好多對佢一見傾心既釣手卻步！

響介紹今次既挑戰者之前先介紹輕量級選手既專用裝置
就係以下既夾式固定

黑色既用於三腳架
透明既夾配合唔同長度既棍仔2蚊店3蚊個自由組合
連之前都有師兄響LURE版提及用佢作為DIY LINE DANCER
可見其改裝潛力之巨大！


接落黎係正式介紹今回既挑戰者
佢係通過左初選艱難既測試之下唯一出線者
黎自鴨仔記既CREE強光電筒！
平民化既身價只需50即可接佢番屋企！

加上附近既加長圈自由調節長度
對應隨時更換節式鋰電或3節3A電
以及輕裝之下既體重125g
為佢帶黎極高既極動性！

淨係睇佢流線既又不失剛烈既外型
只係氣勢已經贏左大半！


我地既桃戰者已經急不及待咁用佢既專用裝置
（被）固定響張椅上面！
只要兩隻手指即可自由調節照射角度
亦唔怕會仆直甚至KICK跌落水仆爆燈呢D悲劇發生！


再加上今回挑戰用既面罩（DIY藍色FILTER）
一切準備就緒！
仲帶左藍色箱頭筆隨時補妝用！



夜幕低垂
比賽開始
為左強調挑戰者既機動性
本回只係使用某超市品牌平既鹼電3A3粒
同時為方便控制角度亦換上左延長棍






……OK
我唔知點解部相機咁唔忠實咁反映唔出夜燈標既景像
已經較左ISO1600都係咁就無說話好講
映得出有光既只得呢兩張




CREE電筒模式為強光同最聚光
15尺竿揚盡……仍照到標！
至於12尺竿更加係全無問題！



呢張係照響竿頭位置（12呎）時既光度比較
係得呢張證明到比大家睇兩者藍光度係相當
只係CREE電筒+DIY藍色FILTER光度比較弱
應該係受電池或FILTER色層太厚太阻光有關
而呢D問題亦相信係可以簡單咁改進得到

但即使如此仍然非常夠睇標
甚至個人黎講會更加鐘意呢種光度
因為唔會照到連水面都反光出埋倒影擾亂視覺

以下為加強裝置（最後第二隻夾一齊夾番落椅腳度）
可以防止重頭現像
同時亦加強左穩定性同安全性


……之後我個相機唔知點解又影唔到相
明明番屋企見見到張卡仲有空位既……
搞到之後起左條40CM非又映唔到佢

用超市3A鹼電呢支CREE+FILTER前前後後玩左6個鐘
保守估計4個鐘係無難度
如果用名牌鹼電高容量叉電甚至係可換節式鋰叉電
佢既持久度會有好大既提升空間

佢將要無電既時候光度會比較明顯咁下降
反而係一個極佳既換電提示
應該係同電壓下降有關
熄左之後抖一段時間可以恢復原光度
拆去FILTER完全足夠行夜路出番去呢段時間使用

結論黎講CREE+DIY FILTER組合
無疑係符合晒我想要既條件
而且夜釣功能亦符合得到
只係光度同持久度有改善空間

相信透過薄既FILTER/塗層可以減少光耗
改用更高效既3A鹼電/叉電甚至鋰電
可以加長使用時間甚至提升光度
但呢個要日後再行實證



今次甚至玩到連73K尾班車走埋都唔知
好彩有的士路過肯飛我番出上水站
否則行出去都趕唔切趕尾班車番屋企
到時想唔釣通頂都唔得……

上次炸竿之後新寵第一次上陣
雖然初頭擔心佢釣重資料800會唔夠玩
但事實上臨上水甩左條2尺鯉魚
再上多條40CM非證明係相當堅硬



可惜手力問題連160G左右既十五尺台釣竿都不舉
開始有D懷疑啱啱玩個陣點解可以係咁舉支超過200g既小稻穗
唯有換把成十二尺玩……呢個調性真係唔錯
要玩番十五尺既話
可能真係要開埋之前買落既一支130g既溪流先得……





小插曲
去淘竿個條友居然比漏（我唯有當佢係漏唔係專登的）1支竿+另外3件貨
明知自己冇貨特登唔送又唔通知我扮無事咁
衰到我開到聲仲想屈我屈佢賠錢
講幾句先肯退退完又威脅人要好評
呢d人真係點做生意架……
雖然比起好耐之前擺呃錢個單已經好好多起碼肯退錢

而最衰係冇比個支竿正係今次買竿既目標之一
光威龍紋鯉4.5（同型號有紫苑
雖然今次買到呢支超細峰證明左我160g既竿已經不舉
但真係好想入手試試……

另睇中法萊煉峰（+同型既古逸）
貪佢夠輕但我其實驚法萊咁輕會斷到啪啪聲
打怪獸都係光威既敢用d
所以法萊竿今次試買一支堅野戰鬥竿悟4H
結果……真係堅得滯（竿頭係普通竿近2倍粗）連拋到拋唔到出去
睇怕第日都冇咩機會用除非我食左類固醇

如果有師兄有用過呢幾隻竿可以比下意見
想要輕D（120g左右比較好）既同超細峰差唔多調性既4.5
釣重夠D仲好（即係夠襟……打怪獸用的）
如果有2手之類無內傷肯放150樓下
請PM告知

師姐, 好詳細的實戰報告...10讚..
想請問那膠夾仔是否在深水步的兩蚊站買的, 可否pm 地址給我.謝..!
我都買了龍紋鯉4.5 , 皇崗買158仔,是最後一支4.5. 新龍紋鯉也沒貨, 要過年後才會返貨.
之前是玩溪流竿, 所以覺得佢都幾重. 但就好挺身,揚竿時容易控制. 在地龍口試上斤頭都很容易頂上水.
不過覺得小稻穗夠軟好玩d.

溫馨提示 : 師姐,請恕我多事. 夜晚一個女仕都是不好獨自去氣霸啊, 安全至上, 小心...

你支燈照銀紙出唔出到螢光字呀???

....強

好正 整到咁多野 但冬天夜釣好似無物境bo

師姐既報導好詳盡, 支持!

師姐真很有心去為普及夜釣。我有一個更簡單的方法。請看片：圖1是用在xx台上用。如不在xx台，可直接在挾枱腳上。圖2是改用3000AH鋰電，更方便及更便宜(.12元)。宜你枝4.5超細峰我在2年前已用過。用了幾次以後已放回雜物房不用了，因太重。現以改為抄網。[img]

                               
登錄/註冊後可看大圖

[img]

                               
登錄/註冊後可看大圖

[/img][/img]。希望各位大大不要見笑。

有關夜光……殺雞豈用牛刀有更平既選擇
同樣係2雞店只係2-3雞
上面係紫外光燈下面係隱形墨水



隱形墨水示範（直接照住爆光影唔到，照銀紙都係影唔到


隨手叉下搵到屋企既夜光野……



得左
因為體積細携帶方便
甚至可以令夜光野選擇性唔同地方受光
好似上呢隻膠豬咁只係光身
或者只係光其他地方都做得到


因為用DIY FILTER既關係
顏色呢D野……要轉就轉蘿囉有咩所謂啫






之不過咩色都唔係問題
有無效可以用黎照漂係另一個問題
呢度要解一解知道螢光（睇漂）同夜光既原理

光依人既視覺黎睇有分可見同唔可見兩種
可見既就係紅到紫之前之後就係非可見光
紅色（620nm附近）波長最長紫色（400nm附近）則最短
紅以外波長更長見唔到既係紅外線
紫以外波長更短見唔到既就係紫外光

而白光係多種顏色既光混合通過三棱鏡可以色散出唔同色光（所謂彩虹光譜）大家都知
因為咩波長都有所以可以比夜光儲光
同時亦可以引發一定程度既螢光（只係同背景光度分唔分辦到既程度
比如洗衣粉同白色衫加入螢光劑
可以令白衫響一般白光下顯出「比較白」既效果
而漂本身既螢光物料或者係螢光筆既螢光物料
亦係同樣響一般白光之下已經有一定程度既「螢光」睇得出黎

透明既有色膠片係一種濾光片
佢可以吸走部份波長既光只比一定範圍既波長既光通過
以上面DIY既FILTER為例就係限制通過藍色同紫色光既範圍
令特定波長範圍既光打落螢光物料度
如果係波長啱駛既螢光就會明顯
如果波長唔啱就發唔到螢光

螢光係某種物料既分子
吸收響特定波長範圍既光之下令其電子跳到激發態
而再落番去常態個陣能量以可見光形式發出（螢光
螢光響光源移走既情況之下會消失

唔同既螢光物料所需特定光波長範圍唔同
有部份係偏藍色光波長比紫色光甚至係紫外光更適合引發螢光
呢個解釋到點解唔可以用激光（純綷只有一種波長既單色光）既原因
所謂夜釣燈點解係藍色紫色唔係綠色黃色紅色
其實係揀左覆蓋大部份漂身會用既唔同螢光物料所需發螢光既光波範圍
好似上面比較藍色同紫色FILTER既結果
係藍色光似乎比較「螢」

例如D餐廳寫餐牌用既螢光粉筆黑版所用既螢光粉筆
本身一般白光下幾乎睇唔到螢光
因為其合適光波長範圍係較窄只係位於紫外光近紫光位置
稱為「黑光」既波長範圍（亦即係上面支銀紙筆所寫365nm附近UVA範圍
呢種黑光就係用響螢光粉筆記事版既光源

而銀紙同隱形墨水既物料
同樣係需要呢種範圍既紫外光引發
所以一般光或其他顏色光下紫外光度相對不足就會睇唔到
紫色燈更近紫外光區所以有機會照到銀紙
視乎光源製作上發光波長係咩範圍

白光+FILTER做紫外光係不切實際
因為白光入面屬紫色同紫外既範圍相對被澽走既光既範圍細
響大部份既光都被濾走既情況下
剩底既紫外光光度係非常之細唔足以應用
大量投入能源去發光效率亦都只會極低

用左FILTER會減弱原光源既原本光度
呢個亦係DIY FILTER需要到強光如CREE先可以達到理想光度既原因
最可取既仍然係直接用番放個種光既光源
比如係直接用藍燈（藍色LED）
不過結局當然係用錢買番黎
所以呢次既DIY係製作上考慮夠用就OK

至於夜光物料即蓄光物料
原理係可以吸收光既能量後可以轉為可見光慢慢放番出黎既物料
將佢置於黑暗中即為「夜光」

夜光光度同放光時間係同所吸收光既能量成正比
除左照耐D光度大D效果會更好之外
紫外光具有比一般白光或其他顏色光波長更短能量更大
所以具有快速令夜光物料儲光既能力
而正因為紫外光具有高能量亦令佢成為曬傷白內障同皮膚癌既誘因

嘩! 真係好有心機--介紹, 連小弟無去臭河都受感動........

睇到你的DIY, 等小弟提供一樣野給你參考, 係一個單車掛物8字環,
小弟用佢來DIY投竿用竿座(固定係3寸扶手上面),
其實也可以用係當係電筒固定座, 我都有諗過用來固定(到左釣場時)係撈箕,
撈魚時有幫助......

睇吓佢係咪可以比膠夾更全面一點或者應用係其它方面?

(如有興趣, 再補相片......)

寫個服字，努力