請問E枝野有咩用??

試想想~有一日你比隻UFO 釣左你上去~
之後個外星人用一支一樣不過大支D GE 野~
在你個天靈X(頭頂)個位用支野插穿左你個頭骨之後再插一支野直入你個pan 骨中間~new 來new 去~
你想下你係唔係即死~~><


果支係行型用嫁~為左可以令條魚保持新鮮~長時間都可以好似生GE 魚一樣咁好味~
心想人類如果唔係因為好味D ~一定唔會理佢死唔死痛唔痛LAW........

呢支野話就話CUT斷佢條神經線............
其實咪重慘.....................佢根本就係到刺激佢條神經線~!

你睇佢插之野入去果陣條魚尾係咁"發"~唔係因為佢痛咁簡單~而係刺激到佢條神經線!!!
點會無感覺嫁.........條魚係就係爆晒血.........但心臟重跳緊!!

日本人既活け締め正如之前有師兄回文所提及
基本理由係單純為左保存鮮度為出發點
同條魚舒唔舒服係完全無關

最常見係掀開鰓蓋（或者好似片入面咁由頭上到中線
用刀直接切斷脊骨同連接鰓既血管（或再加響尾柄切斷脊骨
之後放落水度洗晒血水（放血）為止
有興趣既可以扔「活け締め」google搵圖片（唔駛問當然係爆晒血既圖片

活け締め有好多種方法
原理上亦慢慢發展包括兩方面既範疇
包括放血（血抜き）同神經（神経抜き/神経締め）方面既處理
神経抜き前文有師兄用廢神經黎形容不無道理


條片入面呢件野既原理針對廢神經
係源自對付大魚（鮪/吞拿
漁民一般係用搭勾或者現代化用類似釘槍既機
同時佢另一支管係用黎穿肚
應該係針對對深海魚用

廢神經係旨在減少掙扎時產生代謝廢物同消耗能量
防止鮮味下降
做得好既話條魚係可以完全靜止
咁當然係可以完美咁達成上述目標

至於條片個個做得好唔好我就唔知勒
但我搵到下面呢條片算係比較明顯地說服到人（同樣有些少血腥成份

廢神經既鐵絲除左要開窿先放到咁大工程
大型魚亦可以簡單d經鼻窿（如上片
或切斷尾柄經尾放入
最簡單切開個頭放血個陣沿條骨放入去都得


日本人對某d野既執著
可以去到正面叫登峰造極反面叫吹毛求疵既程度
日本人沿海住食慣好野
要食魚生要食新鮮既話對鮮味呢樣野可能係好敏感
敏感到連冰鮮魚個包裝上面標住「神経抜き」
覺得賣得高價d都可以接受既程度
咁既話呢件野響日本既市場就梗係存在

呢件野實用性不作評論
工序黎講如果要用響大家平時既魚獲黎講可能太繁複
對魚既鮮度保存
認為砍頭放血都唔夠鮮係要整爛埋條神經先夠既
咁會值得考慮下呢條野
不過如之前所述佢既原理不過係用錐一支鐵線一條
（當然佢條鐵線有d特別係形狀記憶合金/極細幼彈簧


落過街市經過魚檔既
都應該會見過變晒一件件腩既鯇魚個心仲跳緊
比大家睇到既係殘忍
唔通睇唔到就唔殘忍？
屈條魚響個箱度由佢兵兵砰砰
震兩個鐘車程番屋企先劏就唔殘忍？

如果係介意既
唔好響水度玩咁耐先上水仲緊要
係尊重生命既
就好好對待用條命黎同你玩既對手
係要食佢先殺佢
唔食既就盡可能減少傷害之下盡快放生

就算係食只要盡自己最大可能做到最好
咁已經足夠
如果真係要講條魚咁咁咁會舒唔舒服
我唔相條魚被鈎鈎住比線拖住
用條命黎同你玩到半死會好舒服
再講落去連釣魚都會係死罪噃