話說屋企人成日都覺得釣魚係一樣冇咩用既野，搵唔到錢，重要洗錢 不過今日我睇到個故事，個人開心左 故事如下：
有個在碼頭附近工作的老伯，見到一個青年無所事事，每天都在釣魚。
有一天那老伯忍不住，便勸那青年。 老伯：「後生仔，你不如搵份工做，好過日日釣魚啦。」
青年：「搵到工做又點呀？」
老伯：「搵到工做，勤勤力，你就可以升職啦。」
青年：「升到職又點呀？」
老伯：「升到職就可以搵多d錢啦。」
青年：「搵多d錢又點呀？」
老伯：「搵到多d錢就可以自已做生意啦？」
青年：「自已做到生意又點呀？」
老伯：「做到生意就可做大d，做跨國企業。」
青年：「自已做到跨國企業又點呀？」
老伯：「做到跨國企業，退休後就唔使憂，安安樂樂就好似對面遊艇上d人咁，舒舒服服釣下魚o羅。」
青年：「我依家咪釣緊魚o羅！」
其實我覺得咁，日日無所事事咁釣魚就唔好啦。 不過我就覺得唔洗樣樣野都講利益？連玩遊戲都睇有冇著數先去玩？咁樣做人真係失去左好多樂趣。 好多人都忘記左，我地唔係去捕魚，我地只係『玩』釣魚。 『玩』需要咁多理由咩？最大既理由咪就係想開心囉﹏ 所以，以後有朋友問我釣魚有咩用？我會咁答佢:『開心囉？不如你都試下啦，會中毒架﹏』
| 
提升卡
置頂卡
沉默卡
喧囂卡
變色卡
千斤頂
顯身卡
樓主
