第二屆磯釣賽相片花絮及報告

感恩...昨日嘅磯釣賽喺安安全全情況下完成了!!
感謝各位參賽釣友支持,感謝各位的包容!!
雖然天氣未係預期的好,不過都算唔錯,
戶外活動睇天做人,一樣要感謝天公做美!!
今屆比賽安排上有不周混亂嘅地方,實在唔少,
萬請各位釣友多多包涵經驗再吸收,下屆再改善!!

昨日星期日一早黑媽媽四點幾已經到左三家村,原來有人仲早過我到達,見時間未到人未齊,就大家閒聊一吓先,都係講吓廢話...
跟住見D參賽者陸續到達,咁我地幾個工作人員就開始比賽前奏工作,擔擔抬抬,點名各樣...
實在抱歉嘅係...因為我地唔夠時間夾一夾,所以抽位安排就臨急先攪掂,未及詳細兼顧,
所以導致艇上安排上位次序有混亂情況,小弟要再一次向受影響釣友致歉!!
總算順利派完位喇,不過我跟果艇擺左烏龍,將小弟放飲食架生個置物袋俾埋其中一組選手,
民以食為先,呢個問題就非常大,好在BEN版大唔計較少左自己比賽時間跟艇去攞番來,要俾100個叻叻!!
我地幾個工作人員及BEN佢地一組上左橫瀾島碼頭,
我地都有玩吓釣魚及FIT,可惜釣況差強人意,直到中午開餐前先至有一隻大尾魷黎打邊爐,
至於魚仔就好多,大家都可以止吓痕,
諗住天氣會好似天文台個預告一樣,中午開始會放晴,
無魚釣都可以晒吓太陽,點知...都係天文台嘅傳統...老點左...
昨日下午,竟然有旅遊團上島遊覽,好似話特登黎睇燈塔喎,
為沉悶的釣況加添左人氣!!
到左3點幾,架艇就已經埋黎等我地,,唯有急忙收拾...
正式結束比賽,逐一釣位接載大家回程,
本來預算集中到橫瀾島碼頭計分頒獎及放魚,
不過艇家當日好忙,無辦法之下直接返三家村碼頭攪,
希望放果幾條魚,平平安安長大,開枝散葉,
等我地可以攪吓佢地D下一代...
今次比賽聽釣手們反映,實在太多魚毛,目標魚又唔多見,
獲獎三位嘅魚獲已經唔錯,亦體驗到佢地比賽中嘅堅持與努力,
再次感謝大家嘅支持,呢類喺一般磯釣人認為另類嘅比賽,
希望越來越多人參與,希望越來越多人認同!!
過程比結果重要,再次恭喜三位釣手!!

多謝爆叔美圖既分享
令到我依d無份去釣既都感受到比賽當日既團隊歡樂
下年就算滿額無得釣都幫手做工作人員補番數

恭喜晒三位~

辛苦晒...