香港嘅釣友！！請進...

o係中國同香港講保育, 同對牛彈琴真係無咩分別!! 就釣場滿是垃圾及散落一地既魚餌餌粉可見一班...!
而阿伯拎魚尼個問題, 其實根本都係保育既問題, 就日本為例, 普通碼頭釣上既魚平均都唔細, 如果個阿伯為兩餐, 釣返一兩條就可以收工啦, 又何必要為十幾廿條魚毛比人指指點點! 將心比己, 真係難為了阿伯, 又苦了一心想保育既人士!
只可以為香港對任何保育都沒有意識而可悲!!

其實你因為自己同其他人釣得唔好而去怪番個阿伯唔放石狗
會唔會係你自己本身都有晒立場咁去睇件事呢.
我之前去過一個場. 有個阿伯日日天一光就去DUM老泥返去同老伴加餸.
咁唔通你又會覺得人地趕盡殺絕咩.
即係好似我到D磯佬打粉咁. 其實又會唔會令你覺得破壞左個釣場原有既食物鏈呢.
突然多左咁多野俾魚食喎. 會唔會又引左D大魚去殺晒果度既小魚呢?
個人覺得真係要講到唔保養既. 係拖網既人. 一日拖幾次. 成個海床除左係死水污泥. 乜都冇晒.
拖一次個幾鐘 . 要變番之前咁. 唔知要幾多年先得.
同埋釣魚唔多唔少點都會為海帶來污染. 除非你真係每次掛底都成個人路落去解番成SET釣組奶腳中通鉛上來.
釣魚人釣魚為興趣. 玩得有品. 盡可能做好自己唔對釣場帶來不必要既負何吧.
都係果句. 過得自己過得人. 除非你話自己把尺無下限既... 咁我就真係無話可說了...
呢番話唔係對樓主有乜大意見. 只係平心而論.  

保育係對,但很多人拿着保育這個招牌去扮清高,就有點兒那個.阿伯釣幾條魚食都得罪你,過份的嗎?

其實岸釣幾條魚毛，點都唔及艇釣D＂擔擔＂聲啦。

百無魚神 發表於 2012-2-20 21:56

                               
登錄/註冊後可看大圖

師兄，何尚冇道理，可能你真係講得啱，怪小弟一說．，其實我想講嘅，重點係保育，而唔係阿伯問題。 ...

如果指定要講保育！講到十年後都未必有結論！我唔知咩係保育！我只知我係個釣魚人！我自已盡量做返自已本份就算！食又好放又好！有時久唔久去返大角咀釣魚！見返以前果班亞叔！大家都係有講有笑吹o下水！河水不犯井水就得！

做好自己事，釣得開心就得啦，其他人，唔理得咁多lu

做人留一線，日後好相見我覺得這句有問題~

你又知阿伯唔係攞來食??.....

其實我都有廿年釣齡,好耐以前我都有發過呢類帖,叫人地唔好整死d細魚bb,唔好掉垃圾之類....
以前釣况(海洋環竟)同而家唔同,以前d石狗公多到,d人望都唔望(属於chenp魚),而家街市賣幾蚊
一兩(如果有的話)....到而家都仲有好多人岐視呢d細魚仔(例如連咪、釘公),仲邉有人去保育呢d魚
(以前紅磡碼頭好多,試過釣条10cm,而家揾条2cm都.....)

由釣唔到魚（或D魚好細），引發海洋保育問題是值得思想的
小弟的上一代是水上人，對海洋有一份「情」，所以對保育海洋有特別的感受

香港（世界）漁穫少了、細了是一個事實，但造成這現象的最嚴重成因是甚麼呢 ... ...
看著香港海洋40年的改變，小弟有以下愚見，最嚴重成因可能係：
填海造地、有毒污染和過份捕魚（應該唔係碼頭亞叔釣20年魚）

若果各位師兄真的對保育海洋有一份心，釣魚時C&R是一種方法和表態
又可以從生活上表現出來，例如小弟從來唔去某大日本餐廳食野，因為她們每年都到日本買甚麼最大吞拿魚作銷售宣傳
又可以從民主選舉中，選一些對保育著意的議員，在議會中代為發聲（當然他們真的想保育和懂得保育，而非為選票）p.s.：本人不想談政治

以上只是作為水上人的下一代，對海洋有感而發，不喜勿插
只希望大家坐言起行，一齊努力珍惜和保護海洋