Pang Sir,
對於此帖的種種反響,小弟在此統一回應!!
1) 關於簽名檔問題,Uncle已講得好清楚及處理好了,
我只想補充小小...
有關任何釣團嘅資料,我當然知道你地並唔係搵錢團,
但係實在出現過太多呢類嘅商業信息,而且亦引伸過唔少問題,
所以好早之前,不管商業不商業,我地謝絕所有呢方面信息,
本網管理上有其難處,敬請諒解!!
有關外地釣團...小弟早前曾被警方查詢過...詳情我不方便講,
基於呢個原因,所有私人性質舉辦此等香港以外的釣魚活動,
為免問題出現,亦一律謝絕,能說的說了,如果能理解的,我感謝你!!
2) 關於釣獲分享引起的反響,Pang蛇...你上網一段日子了,
有呢D情況出現,相信都唔需要覺得意外...
現實黎講,除非真係收埋自己睇,否則都避不了,
小弟睇事情係兩面,我並不反對任何人表達自己意見,
亦並不對任何人如任處理魚獲表示任何意見,
為左維持和平交流氣氛,我甚至要求大家不可批評他人魚獲,
不過...我亦同時有要求大家無謂放大堆頭相片,
釣魚人去釣魚,實際點做...鬼知咩...!!
放條魚你睇,可能背後殺佢一二佰條魚毛都未定,
總之點做睇自己囉,釣行過程,都唔係淨止將D魚排隊值得影嘅,
以前器材唔先進就無辦法,多數都係返來影吓D死魚,
成個過程都好值得分享,影吓人,影吓上釣過程,
就算影吓大家食飯相都唔錯!!
我相信你分享釣行,並唔係話只想威比人睇,
俾大家睇到開心過程先係你地宗旨...係咪??
我個人珍惜呢個平台,亦希望大家同我一樣,
要大家莫再批評他人魚獲,莫再放大堆頭相,唔關言論事唔關自由事,
只係對大家成熟表現的一點要求,嗌交平台,我真係唔想攪...
要按守則處理所有回應嗎??坦白講...三輸局面...
|
[複製鏈接]
顯身卡
樓主