屠房打怪獸 之 塘虱風暴

話說自上次屠房打完怪獸之後……

正所謂有風流就有折墮
凡事都係有代價既……

一條中左之後爆上水面兩尺既鯉魚（畫面非常震撼
將本來兩隻鈎既子線變成剩得番半隻不特止
我真係第一次被魚爆到支標咁樣……


呢碌死鱔（已放）就係整到條主一PAT屎兼累我爆玉柄既兇手……





損兵折將當係交學費冇計
但每次去倒幾包餌只係喂魚
真係心都碎……



不過有釣未為輸……
今日再戰巧遇小邪&NOAH
為免被少年餌神方圓5米所波及
自動保持安全距離……

上半場天氣都算係咁
最多都係得雨粉頂得下又唔係太凍
又冇打面既大東風
其實最啱釣椅

去到已經漲左唔少
而且意外地個潮有多冇少
訊其實全日都唔錯
但抽既抽唔到甩既甩嘴

越釣得耐越覺得自己完全唔識調漂
……而事實上結果黎睇又係真既
屠房真係一個練調漂既訓練場
唔同水深魚情都有機會撞到



話說今日水漲爆有相當長的一段時間
如之前所提及訊係唔錯既
一如平常進行喂魚既動作……

呢下係真係正食（雖然唔係黑標）……

跟住落黎係D幾典型屠房有番咁上下既正常魚會有既動作
相當平穩既速度去頂……
總結之前既失敗經驗
唔想拔河就一定要快過佢
保持竿同水面垂直係咁頂……


但係越頂越唔對路……
無奶油係咁爆完又爆個噃……
仲越爆越勁力……
一鑊金過一鑊……

之前頂條大鯉魚個陣
都仲可以一手托竿一手拎抄網
但係呢條……真係唔得
係跟本連兩隻手一齊托住支竿
保持支竿可以垂直都做唔到
更何況係令佢蒲頭透氣……

當時我諗你不如爆左我算啦
爛勾好斷子好爆主好（當時2主1腳）甚至係炸竿都好啦
我真係好攰唔想同你玩……

但當時支竿彎成相當靚既半弧……

支竿終於有機會試出佢咁好腰
無奶油咁信唔過支竿咁對支竿唔住架
都係再比D心機頂下啦

唯一好彩既係佢同鯉魚唔同（因為咁我幾肯定佢唔係鯉魚
佢係拉得郁既……
亦即係話我可以打佢8字
唔駛好似釣鯉咁響條壆來來回回……

唔知頂左幾耐
見到個影……
但係真係……頂……唔……順……

響呢個緊急既關頭
非常熱心既NOAH同小邪雪中送炭拎埋抄網
比佢再爆多幾鑊之後
終於有機會撈到佢上水……




特別鳴謝NOAH幫手抄小邪幫手解勾
令我可以順利咁夾到佢（比佢咬到手指實斷
請受小弟一拜



4.52-0.14（隻夾）=4.38kg
碌野重就唔係好重（我稱得起就唔算重……
同上次條鯉魚比係小兒科
身段上亦唔算好大碌（上次幫馬田抄個碌大碌好多
但總算係自己第一條90後……

雖然情願中鯉都唔想再中佢
但估計可以破100既
睇怕最有機會都係呢種生物……



之後下半場落雨
真係落到相當金（好彩無吹埋風
而家D野仲有排吹有排抹……
冇咩事真係唔好落雨釣椅
雖然D訴真係唔錯……
但呢個下半場亦只能響喂魚同甩魚之間濕身渡過……





最近都有諗過再買升級竿……
好想要D6.3係200g以下啦5.4係150g咁上下既
但係經過今日……

其實起到大物呢兩支竿都係舊幾人仔既無名小卒（有一排買d平價既細牌子既竿
佢地既表現我實在係無咩不滿
無咩藉口去再買竿噃……

反而仲驚d輕竿皮薄
一炸冇左七舊幾八舊人仔（起碼
我連送隻幾蚊人仔既大陸假餌比d塘虱都頂住條氣
要我炸支咁貴既竿你不如一槍打死我算勒

好想調漂調得好D抽竿抽得準D……
唔駛食咁多白果倒咁多餌落淨係喂魚……
以前都唔係咁衰……



題外話今日對岸有三個操流利日文既人仕玩假餌
講野大聲到我以為佢地拍緊FISHINGTV（係我聽到佢地估緊我係男定女……
同樣被條塘虱嚇到驚魂未定
不過佢地斷左……個條真係好很大碌架……
離遠響河中心水面爆既畫面真係超級震撼

果幾個架仔成日落屠房

天寒地凍..好好嫁LA...! ^_^

師姐好野！我呢邊同小邪好慘淡呀其實。。。
其實如果買五米四以上要150g。。。唔係得好多支。。。
個人覺得一支靚竿 係可以令自己頂得舒服好多 手勢正常造功又ok既話應該好少會炸竿
舉例。。。第一次葉隱打一群麥鯪。。。要怒跑不停咁就。。。
換左之後其實真係差好遠 底氣都十足d
靚竿有靚竿既好處架！
釣到大物要獎勵下自己哈哈哈

好羨慕,  宜宜我目標魚係大老鯉, 和唐唐玩遊戲... {:62_3962:}

師姐真係好西利，次次去臭河都一定釣到大野！吾講得笑

恭喜!
好大條塘塘!

師姐真係好犀利, d塘虱好多時一中就跳水, 控得到佢跳水呢, 佢之後又係咁"un", 我覺得塘虱d扭力好勁, 90幾cm好難起架!!