求救! 【0】魚獲~

釣魚超新手!
大埔友, 細細個跟過呀爸係海濱公園釣魚(手排), 個時個勾一放落去就會釣到魚仔, 好多條, 20幾30條~
到13,4 歲, 又跟過屋企人去西貢出海船釣, 有夜CHOK 墨魚(手排), 成功釣到幾隻。日水(手排) 都成功中過1 斤到既班同其他魚仔。
自此對釣魚好有興趣!!
到而家, 十幾年後, 想認真咁學釣魚, 想用魚竿係岸邊釣大魚(1斤以上), 感受下竿釣既快感!
所以呢幾日買曬基本裝備又上網學左基本釣組諗住重拾呢個興趣

可是............................
經過3日..............................
25/3 【0】魚獲    科學園   用死蝦26/3 【0】魚獲    科學園   用死蝦
27/3 【0】魚獲    大尾篤燒烤場    用青虫

呢個唔係問題, 問題係連俾魚咬走舊餌既感覺都冇, 舊餌好完整咁上水落水...
我想問係乜野問題???
我第個支係投竿, 第一日係咁KICK 石, 所以第2, 3 日用投竿BUT轉玩浮波, 係唔係呢個問題????但無理由咬都唔咬下
用緊 3主2子6號勾
有乜野要改善下???
仲有唔買磯竿住得唔得?? 或者我可以轉玩番沉底
好想試下用魚竿釣到魚...
!!HELP!!

ching...用左浮波之後有無試過水深,較返岩個正確既釣棚呀??

不會還以為海中的魚會比以前多吧.
夜水都龜到喊. 實在有苦自己知.............
再者. 有打粉嗎? . 沒有的話. 龜實在很正常.
因為就算你有打都未必有. 唔打... 未到釣棚都清鈎了. 你仲等魚訊?
只龜了兩次. 實在不要大驚小怪. 正常. 我只可以咁講.
唔少人出去外礁都可以龜五六鑊. 港內咁易爆釣. 人地使鬼出去咩.........

師兄~ 想重拾釣魚感覺~ 建議去一去釣魚場玩下先。 除非你願意每次拎幾百蚊出海艇釣喇。
如果唔係...機會真係好細...

師兄，大埔內海我釣左N咁多個月龜咁多個月，你龜三次咋算什麼呢！

咁睇你都係成人啦！就吾好咁天真@_@@_@@_

岸釣我都龜到喊啦~~其實無魚食餌好正常~有魚仔化餌都好正常~(所以FEEL唔到)
用投竿見唔到就更正常~!

以加想釣條魚真係好難，我上星期去釣魚，同兩個啊叔，都釣左成晚無料黎，有位ching一放落去就中左條斤頭盧。無耐地釣多左陣，走曬，得番果位ching


- 發送自我的 iPhone 大板凳應用

其實師兄決心要起大魚還是有方法的...
先把10蝦以扇形直接掟落海引魚. 如大流的話再加多幾磚, 掟左落去後等三個字先開竿.
再開四蝦兩粉個半鐘內不停掟. 一口餌最少要上到五隻南極蝦入釣身
之後就大中通腳邊打沈底. 下面有魚. 實在沒有不就餌拉竿的可能.
當然. 你果邊俾人撈到盡晒炸過魚電過魚毒過魚你自己個運勢唔就既話..
基本上可回家訓多幾個鐘了.

師兄，現今釣魚界龜三次真係濕濕碎！