往事...

今晚電視做"一碌蔗",睇到長洲戲院,
記得好耐好耐之前.....
一條友入長洲釣魚,釣到一半熱得濟頂唔順,
走去士多食西瓜,然後入左長洲戲院睇戲...
之後再釣下半場.....
咁又過左咁多年.......長洲戲院收左皮....真係懷念.....

~25yrs ago, I was a semi-regular customer too.

往事...只能回味...能夠抓住記憶已經很幸福...
有些開心人。事。物。
...想爆頭都諗唔番...
就算簡單一個人名...
究竟係呀欣...呀恩...定呀茵呢?
都諗唔到...啲RAM燒哂....偏偏淨係記得傷心和失意....
唉~

原帖由 naobao 於 2008-8-18 04:25 發表

                               
登錄/註冊後可看大圖

今晚電視做"一碌蔗",睇到長洲戲院,
記得好耐好耐之前.....
一條友入長洲釣魚,釣到一半熱得濟頂唔順,
走去士多食西瓜,然後入左長洲戲院睇戲...
之後再釣下半場.....
咁又過左咁多年.......長洲戲院收左皮....真係懷念 ...

往往經過一d 地方, 都會想起好多好多往事, 腦海中, 自然流動出你同邊個嚟過, 佢同你講過d咩, 發生過d咩野, 都會出現在你的眼前, 每樣野都係直得懷念

未來'希望'心願'理想 之包袱,已經太重,只能把往事成全往事.
想起往事,只有一個個往事,一個個之希望幻滅,留下只我對影子前行........................

往事........真係好多, 我值著閙爆叔一編文章,講下自己感覺
幾個月前, 本來book 左長沙度假屋相約幾位好友去玩下, 點知因時間方面不能配合, 但已經俾左錢, 我把心一橫自己走左入去. 過左一晚, 但我好enjoy個環境, 好舒服 , 好清淨,亦都諗番好多好多往事......................
長沙, 貝澳, 梅窩, 我係細個時爸爸因工作闋係, 時常都要入去, 我就係每次我都有份去, 當爸爸做完工作, 佢就會帶我地幾姊妹去行山, 由長沙行去貝澳再行去梅窩,細個都唔知條路咁長, 有時倦起上來, 爸爸就咩我地, 抱我地, 好記得, 有時騎泊馬, 但最多係我地會爬佢後褲袋,踏著褲袋企係度, 都唔知幾多褲袋都俾我地整破了, 去到梅窩,  爸爸永遠都係帶我去飲十字牌鮮奶, 當時只有梅窩一間士多有,出面係冇架, 當時都幾貴下, 一人一杯,味道到現在都搵唔番
言歸正傳喇...............我果日雖然都冇係長沙行落梅窩, 我搭車出到梅窩,見好多地方都唔同哂,真係百年樹人, 好多都改變了,
個肚子有d餓,心諗走去搵d野食, 哝.......仲見間士多係度, 走去飲杯鮮奶同食d野先, 以前要飲鮮奶要排隊架, 但今日,只有 1,2 個人係度食緊野,
士多裡有一個六,七十歲既伯伯, 一 個四十幾既女人, 個伯伯差不多都行唔穩啦,我坐厎後同個女士叫野食啦, 點知佢地已經冇賣鮮奶好多年啦,咁.....我就叫左杯咖啡,一碟排骨飯,話時話碟排骨飯d味道真係好耐冇食個咁好味啦,
食完飯後, 我同佢地 傾計, 講起以前既野, 原來伯伯仲記得我爸爸,仲記得我地幾姊妹, 講我地d細個d野, 唔覺唔覺同佢地傾左成2,3個鐘啦,跟住我要搭船走喇, 今次行程, 令我記番好多好多同爸爸一齊既野, 人大左, 有左自己既生活, 要搵錢, 下下都忽略左身邊既親人!!!

爸爸 I LOVE YOU

時代隨時間而改變，以前的懷舊景象有幾多還能保留呢??假如我有70歲壽命，此刻人生已走了一半了，小時到現在，身邊所發生人和事，當然有笑也有淚，一天未蓋棺...還是要學習珍惜與包容，人是有感情的動物，但每每遇到一個"情"字，也不能用"理性"去分析和解決，因為...我們就是"人"...

原帖由 naobao 於 2008-8-18 04:25 發表

                               
登錄/註冊後可看大圖

今晚電視做"一碌蔗",睇到長洲戲院,
記得好耐好耐之前.....
一條友入長洲釣魚,釣到一半熱得濟頂唔順,
走去士多食西瓜,然後入左長洲戲院睇戲...
之後再釣下半場.....
咁又過左咁多年.......長洲戲院收左皮....真係懷念 ...

我有個住長洲舊同學同我講：
當年長洲戲院上影"朱欏紀公園"，佢去左睇......
坐住木櫈加天然5.1環回立體聲，好震撼，好似真係去左原始森林，比暴龍追緊咁！
長洲戲院好適合睇子彈橫飛的戰爭片....."回音大"！
仲有係鬼片....."間戲院夠殘舊已經夠兇佈！"
可惜.......

[ 本帖最後由 hiu2006 於 2008-8-25 01:44 編輯 ]

所以往事...只能回味...