本帖最後由 laiben 於 2012-4-20 17:31 編輯
在Auckland, 由於要趕早機,晨吉咁早(未天光!)就走身check out,搭巴士去機場.
4am 的 Auckland
去到提番我地存係air new zealand的寄倉行李,提佢記得幫我pack埋上往東加程機度.再check下手提行李的重量,好快就拎左pass,等6:20起飛~ 到tonga,時間比auckland再快一小時,一落機就搞落地入境,足足排左成粒鐘隊!!(條隊仲要其實唔係好長!)第一個感覺除左覺得生活節奏極慢之外,我仲深深感受到當地人的份量,企係度排隊個個都好大隻!!!!
第一次感覺其實我地兩個”都唔係好高……”
到東加喇!
所謂海關
拎埋行李,唱$.之後就搭的士到domestic airport.公價,5蚊人頭費(果度一蚊東加$兌大約hkd4.8)之後仲約左果位的士大佬17號回程時車我地返回國際機場(因果日內陸駁國際機的時間比較緊,約定穩陣,加上見domestic airport門口水盡鵝飛,都驚驚地!)
機場外邊, 好大棵樹! 仲要有好多好多棵呢 d 巨樹!
到內陸機場,登記,準備上機,在候機室食個quick breakfast. Egge benedict with toast Bunana muffin Pancakes with banana 外加一支東加肌肉泥:powerade isotonic!(為勞動作準備!)
low tech~
登上內陸機……嘩!!三十幾四十度,搞咩要坐毛毛機位呢???
加大碼的東加人,要加長條安全帶. 豪放的東加人,一手丟左個b比laiben叫佢抱住先!(但記得佢係咩都無講!係成隻野飛過去!)
小心我地個炮筒!
真係好細架飛機...
好有GT feel !
一望無際的椰林~~~
抵達vava’u,好熱呀!!!!島民james來接機,車我地去民宿,途中停左係兩間當地雜貨店度比我地入貨,買下食才同生活所需,我地就好似準備地震一樣入貨!果度d食材一d都唔平,因為九成物資都係外來既,要係東加市同紐西蘭運到,所以物價不比hk低,分分鐘d糧油罐頭仲貴!(當地係係唔多食呢d野既,佢地自己種菜,養豬,根本就唔洗去雜貨店入貨!)不過呢刻都只能肉隨砧板上,唔怕佢貴,只怕無得食……雖知我地一日三餐都要自己搞掂.
到了lucky’s beach house,已經下午三四點了.我地入住藍屋,放下物品,準備架生,是晚食lynn(戶主老婆)煮的晚飯,maincourse就係kurt(戶主)尋日釣的鲛魚,落左d檸檬汁煎,仲有落tarragon等herbs,清清地,不過好鞋,西人魚係咁上下.之前有什菜湯,微辣,仲落左好多茄同dd香草,近意大利/地中海風情~ 臨尾以自家打smoothies終結,local papaya,pinapple,watermelon……好飲!消暑!
同Kurt研究下Vavau 地形
時差+淋床,訓得唔多好,頭痛欲裂,好怕影響戰鬥力,只好早d訓.
待續~~
| 
[複製鏈接]
顯身卡
樓主
睇到我都好贱张..
