子與父---而我不知道自己在釣什麼(BY勝哥)

今日教晒野,番到屋企準備入大尾爽爽
老豆突然問,你去邊?!
釣魚囉...
我又去!! 平時講到自己釣咁多,我一次就釣贏你啦細路!
我心生左一下邪念...
我:「好呀!夠唔夠薑賭一鋪呀?!」
老豆:「驚你呀!?賭幾大都得!我釣魚o個陣你都未出世呀!」
我:「咁就玩大d喇!賭2000!!!(事關我見到有人出初代青花鋼號伽瑪鯉1800)」
老豆:「好呀!黎咪黎?!」
上當了

之後..
點解今日個post係子與父,唔係父與子?
唔係我不孝,而係今日子教父!!!!:em17

一去到已經好多人釣緊=.=霍大俠等人已經打緊怪獸
咁我就坐番中塘0號位啦
幫我老豆開晒野,開波
我終於明白點解勝哥話釣到無晒感覺
因為我今日都釣到無晒感覺...

最後釣況
子: 唔知幾多格,( 個魚護唔好話拎起,慢慢拖上黎都極困難,同老豆一齊拉都差d死.應該過百幾磅)
父:10 (伽瑪鯉!!!)

鯉魚真係多到痴線....勁多豬公,超好片
間唔中有幾條大鯉玩埋再姦你一鑊,個感覺爽到不得了!!!
而白鯽...亦正式成為垃圾魚=.=
但釣釣下就習慣左=.=
完全係公式,出竿,1至n目, 抽竿,溜魚,抄魚,入魚護,重覆=.=
好彩經過之前既麥鯪大戰後,我既手已經金槍不倒
咁樣釣完都唔攰!!!!

去相!
其中一條鯉鯉,之後仲有好多呢d size,但都懶得影了(如果係臭河...多多都影!!)


其實呢條都係我釣.不過老豆話要拎黎影相當自己釣左=.=


咁即係幾多格???(鯉魚,大頭,大土鯪,鯉魚)



正題!!(無錯呢個係正題)
被騙了既老豆,無奈地磅左水!!!無錯!!真係磅左!!!
好快.佢就會晌我屋企出現!!

你就好啦,你老豆主動陪你去釣魚,
而我出親去釣魚我老豆都係話,香港邊有魚釣丫,浪費時間,唉....

恭喜! 師兄.
不過你老豆下次可能唔會同去釣魚啦.

下次你老豆唔會去去又唔知唔見幾多錢喇

勁! 釣魚世家..
好羨慕你....好羨慕你爸爸...同埋好羨慕佢有碌極品伽瑪鯉..
下次賭大的, 賭埋佢碌嘢(伽瑪鯉)..

祝次次都咁好玩.

我會俾兩草個仔買雪條食......


MANHEI....,
1800元買竿..仲有兩舊.....買蝦竿

xuckingwing 發表於 2012-4-22 06:47

                               
登錄/註冊後可看大圖

你就好啦,你老豆主動陪你去釣魚,
而我出親去釣魚我老豆都係話,香港邊有魚釣丫,浪費時間,唉.... ...

佢以為自己可以砌低我姐 結果一鋪搞掂佢

FELIX009 發表於 2012-4-22 07:49

                               
登錄/註冊後可看大圖

恭喜! 師兄.
不過你老豆下次可能唔會同去釣魚啦.

肯定啦嚇都嚇死佢 見佢一路釣一路標冷汗

martin4234 發表於 2012-4-22 12:34

                               
登錄/註冊後可看大圖

我會俾兩草個仔買雪條食......

鬼叫佢諗住咁簡單咪玩大d！
千八係人仔

做咩叫白鯽做垃圾魚