低成本的奇妙之旅. 順手為新玩具開光

恭喜

話說呢排都幾當黒. 人人有魚之時還在打龜. 差不多都衰X到貼X曬地...
本身都打算好魚場衝下喜. 但朋友叫到. 結果又係去番海邊.
尋日本來我都有釣架...但龜左所大家見唔到我發貼囉.............
尋日打埋粉. DUM左成晚. 石九冇一口. 心諗一係就冇魚. 一係就有大野係下面連石狗都唔出來食餌.
即時換上2.5主4腳+手指長的秘製秋刀魚掃腳邊一竿位
掃左我半個鐘. 都係冇料到. 但突然一下細湧浪. 同時飛針. 由於心住DUM大野. 故一飛同時抽竿
手上的千又SPECIAL2 1.25-530即時被拉至滿弓飲水+出DRAG.
完全停唔到條魚.狂向腳衝 . 痴X線.頂都唔起.
最後被姦至過石. 兩淫奶腳得番兩吋...............之後石九就出來玩餌了....最後...龜了.
--------------前事完---------------
講番今日. 又有損友叫我去玩, 架生唔夠做. 只好放棄巨物的諗法了.
今日連粉都唔打. 開番支白之女神+攞埋個9L冰箱買埋野飲去9HEA算.
餌就攞番自己整好曬既南極蝦餌. 順手練習下全游動釣法.
點X知呢. 去到完冇流既. 心諗ALL能了.... 都唔X理得咁多. 照放
由夜晚9點放到2點幾都仲係石九仔. 還好今天的目標魚係佢. 等你地咁就餌丫拿. 今次你地做唔死. 哈哈.
HEA住玩的感覺原來都可以係感覺良好既~
之後在點煙之際突然拉竿. 心諗. 立魚來了. 等我睇下你有冇腳既先.
抽竿後發覺感覺冇D唔同. 唔係向腳邊走. 但就不停向下衝.即時舉竿頂魚.  
頂頂下魚. 咦咪住先. 我支0.87既支白之女神嚟架咋喎. 幼野嚟架咋喎. 咁X堅既.
一手都唔作俾. 就竿本身的腰力+回彈力已把魚玩至冇力投降~! 收多幾手. 見魚影.
譁X丫. 原來咁X大支既星鱸走去咬我的屎咁大隻南極蝦. 真係估佢唔到.  
唔理咁多即時踼出撈基抄魚. 同一時間新撈基柄開光完成
一中完魚. 成個人醒曬. 幾口餌之後. 又拉竿. 今次輕手好多. 衝左幾下已被竿的回彈力自然昇水. 又一口傻佬入抄網~
之後就靜曬......9HEA時間再度開始..................
玩左一陣. 在換餌時. 身邊朋友中石狗知我要俾我伸條石狗仔等我解. 咁我鈎好自己口餌彈左佢出去幫朋友解石九仔.
解完朋友條石狗仔諗住起身拋之時..........僕你個街突然拉竿既喂
都痴X線既. 原來剛才彈口餌出去果時隻奶腳落左水.........唔知唔知原來俾野接住左~!!!!!!!!!!!!!!!!
身邊朋友即時O哂嘴. 因為我當時連浮波都未掂水就中魚 (我用兩淫奶腳的....)
起身掟波變頂魚. 我自己都打個凸. 舉竿頂左幾下已投降昇水入網. 又係星鱸
之後真係完全靜曬. 石狗都冇. 同時開始有幾滴雨. 只好收工了.
回看一下自己的9L冰箱. 完全地被填滿了. 爆箱的感覺就是良好.
今次真係低成本高回報. 車錢加幾盒野飲就玩左成晚. 仲要咁好彩中番幾口.  
話說自己都冇諗過支白之女神原來係咁X堅既. 初時支竿諗住佢得0.87都係用來釣D磅頭增強手感而己.
原來咁大支野都仲頂得住仲要唔使放都頂得住. 真係冇入錯. 只能夠話係自己睇少左支竿了.

恭喜!
上個星期二, 我都上左三碌星星同一條佬又係釣腳邊, 不過我用手竿上, 真係好正呀!

喂喂！點解你d Post咁多XX嘅

恭喜C兄, 好好玩喔!  

恭喜恭喜，終於開光！

恭喜師兄

星星殺手！

弓喜你啦，吾洗龜、我都仲未有起色

萬寶路 發表於 2012-5-13 12:12

                               
登錄/註冊後可看大圖

喂喂！點解你d Post咁多XX嘅

我少讀書. 唔識D字點寫. 只能多用點X來填位了.