想問下師兄們,新手要有咩配備先可以出海船釣?

{:53_3291:}
我完全唔識喔,
想試下船釣既滋味,我想問下,
一船釣要買咩用具?大約要幾錢來買?
多數用咩餌?一次船釣要幾錢?
最緊要耐用一點吧

千幾-2千幾
睇自己釣咩魚
手繩......平$

玩手感：兩魚牌，一包鉛，一包鈎，斤零兩斤蝦，加埋一百蚊左右！
玩快感：一船竿，一隻攪，一包鉛，一排串鈎，斤零兩斤蝦，加埋平既五百蚊內，貴既幾千不等！

船錢睇你去邊，地方遠，排口準，艇家一定貴！港內水三百左右！

師兄~
我可以比少少意見你~
我成日出青龍頭/三聖~(死流日子出)
膠轆-唔好太細~大d好~幾十蚊
線-sunline 4-5號....100蚊左右250m
鉛~1~5號波子 一樣5粒左右 多數用3~4號~~....幾十蚊
勾~我用7號千又~你用其他都得~差唔多size就ok~如果釣沙鑽要用細d~
基本係甘多~行得^^~
買幾多蝦你就問個船家~佢會話你知~
不過出面唔係你想像甘多斑同立~最多係古惑仔^^~

點解要咁多鉛既?
我比較鍾意釣立同班
有咩船竿同絞岩我呢?
有冇平,耐用,好用介紹喔?師兄
用超重型中通鉛?

kevin787 發表於 2012-6-30 15:21

                               
登錄/註冊後可看大圖

點解要咁多鉛既?
我比較鍾意釣立同班
有咩船竿同絞岩我呢?

艇釣新手有以下提議：
新手或從未上過艇釣魚的請暫時不要投資太多，因為一則自己未必喜歡艇釣，二則有些人一上艇出海無幾耐就會大打誘餌而怕了上艇釣，又或者在艇上不能小便。因此小弟建議：
首選釣港水，裝備：膠手轆兩個、一般尼龍絲，一種買三號、一種買六號（建議到鴨記買，有一種牌子叫SZM，幾好用又平），自己將漁絲打上個轆度。鉛手繩就買中通鉛，預備一號鉛、三號鉛、六號鉛各幾粒，鉤就在鴨記買一種叫「海馬」牌的鉤，不用太大，你問檔主話一般港水艇釣會執比你。
這幾樣就足夠一般艇釣，釣組就係基本的，叫「波子壓頂」，即將中通鉛先穿過漁絲，再扎鉤。
再釣幾次，覺得好玩或頂到風浪，就試試釣遠點，如擔杆等，看看自己去不去到，再玩一玩才投資買杆玩。一般艇釣較多人用手繩，因為手繩較靈敏同方便夾便宜，但有很多情況手繩漁絲會上氣，即漁絲打亂一氣，這亦是小弟改玩船杆的原因之一。但你說喜歡釣班班，那手繩會較適合你多些。

多謝師兄意見
膠手轆要幾大呀?幾錢到呀?
尼龍絲姐係一般絲排既絲?
鴨記姐係邊間呀?深水步有好多間釣魚店,唔知邊間
波子壓頂既話,魚會唔會有疑心呀?
用生蝦嗎?要誘餌嗎?
一般4匹艇好貴喔,最平係幾多喔?
有冇近荃灣又多魚玩既喔

ivanmark 發表於 2012-6-30 22:58

                               
登錄/註冊後可看大圖

艇釣新手有以下提議：
新手或從未上過艇釣魚的請暫時不要投資太多，因為一則自己未必喜歡艇釣，二則有些 ...

同意 ivanmark C hing 所言甚是！

kevin787 發表於 2012-6-30 23:53

                               
登錄/註冊後可看大圖

多謝師兄意見
膠手轆要幾大呀?幾錢到呀?
尼龍絲姐係一般絲排既絲?

Kevin C Hing，買膠轆最好買6吋或8吋，D 絲冇咁上氣(炒粉)，建議你買魚嘜硬絲，手感直接，一般魚鉸用壓縮號數絲有回彈力，新手比較難掌控。
中通鉛波子壓頂釣組，基本上各種釣場合用，其他多幾門鈎(仕掛)釣組，出多幾次艇其他 C Hing 同艇家會教你。
我常出擔桿(90-120呎水深)，間中維港(60-80呎水深)；我的釣具，魚嘜8磅，12磅各一，魚鈎Shark 或 Seahorse (海馬) 澳沙尼亞 1號、3號、5號鈎。中通鉛 50g、70g 、90g (約1,2,3號)。如果釣大斑就帶40磅、80磅絲，0/3，0/6魚鈎，大大粒子彈鉛。

要誘餌嗎?
鴨記姐係邊間呀?深水步有好多間釣魚店,唔知邊間,師兄教下我去丫,店名係咩喔?
維港既魚有冇火水味呀?
出青龍頭要幾錢喔?下次同師兄你一齊出丫,學下野都好
係咪要帶手套喔?
我見到人地師兄好多立立,又班班,吸引死人