追擊青斑記

wongshouse 發表於 2012-7-20 14:27

                               
登錄/註冊後可看大圖

師兄：算啦、果d正一PK百隹仔！霸有次我去某碼頭釣、去到有2公婆開左共7枝魚杆、分開位置擺左3／4個碼頭、 ...

唉，我都唔識講。最火滾係中咗魚後，左手拎魚，右手揸竿，仲要行上兩塊好斜嘅大石，一冼腳就扑街，條粉腸我出到聲都唔讓，照樣打横支竿，滾滾哋真係想一腳踩落佢支竿度。

星期一中完青斑後，休息了兩天，昨日又再出發。

六點半到釣場時已大汗淋漓，大眼仔亦大部份変為眯眼仔。心想莫非八點就要收竿?

祇有兩隻大眼仔在游水，時間剛好是八點。勾一隻就急急腳行落海邊，點知有條磯佬將支竿打横放在石上。叫聲「唔該」，佢除了唔收起支竿，還眼超超，我幾乎又想一腳伸佢過去IFC，但又怕其他人話我暴戾。

閒話少講。一蕩隻大眼仔出去，一沈底已有魚大咬。一抽竿就中，單手提竿竟然升唔到條魚上水，咁唯有出動雙手啦。頂、頂、頂、頂咗三十秒後，終於見到影嘞。開着頭燈一望，嘩，個口大過拳頭。收兩截竿就蕩條魚埋岸。一睇腳邊就叫一聲「弊」，前面是幾塊三尖八角嘅大石，企又企唔到，擸絲又唔夠手長，咁唯有使出看家本領「彈」佢上水啦。一彈一擸，正慶幸自己寳刀未老之際，誰知魚太重、絲太滑，一「跣」手，竿先「拍」一聲而斷。大庭廣眾、眾目睽睽正在欣賞我的生平絕學之時竟然老貓燒鬚。唉，廉頗老矣!

「拎」住條魚上岸時，嘿，條粉腸又打橫支竿攔路。啱啱斷完竿先已經滾滾哋，真係又想一腳伸佢過去IFC

八點半已無大眼仔游水，咁就唯有早點歸家去。

釣品好重要！恭喜中大班！

弓起追擊成功~

條班過唔過35AR?

!C兄又想踢人去IFC咩你咁暴力㗎!咩你無帶撈箕咩,上魚都咁暴力條魚會痛㗎!下次帶撈箕啦喂!不過都要恭喜你嘅^ggan12@^ggan12@

garying01  + 30 老貓燒鬚分~!!!!

老貓燒鬚都有分加?多謝!

寂寞人  + 30 我好欣賞!!

多謝欣賞

fai128  + 100 寫個勁字!!

多謝輝哥

寂寞人 發表於 2012-7-20 04:38

                               
登錄/註冊後可看大圖

!C兄又想踢人去IFC咩你咁暴力㗎!咩你無帶撈箕咩,上魚都咁暴力條魚會痛㗎!下次帶撈箕 ...

從來都唔帶撈箕架，持住藝高人胆大嘛，終於咪瀨嘢囉。

講下啫，容乜易上youtube架。