真人真事！有汗出！無糧出！

我因為見都到 "做靚" 師姐係 post 度大大聲講：
"係呀, 我11點幾已經做晒D野啦......."
另我諗起一單"舊屎".......

上集：
"呀 hiu！公司唔係咁多野比妳做，你下星期轉做 part-time 啦......."
當時我仲好 "天真" 咁問佢......"咁我返 135 定 246？定係返上午定下午呀？"
佢又無答我，我就話"放完幾日公眾假期再傾！"

下集：
放完幾日公眾假期之後我就返左兩日上午.......
放工時佢就同我講："四日公眾假期 + 星期六日 + 兩日上午 = 剛好七日通知！再見啦！"
我就問："我上個月份糧都未出，總共一個月 + 10日糧，咁幾時比？"....."佢話下星期！"

擬似結局篇：
跟住我就即刻上左 "驢公樹" 度登記！仲要追埋七日代通知金！
去到 "驢公樹" 登記後因此 "古蛛" 有前科，有主任有空可即見.....
見 "驢公" 主任話未夠期.....下星期都未有就幫你排期去 "驢豬嬸菜樹" 告佢！
一星期後：
打電話追糧 "下星期先有...." 我就立即再上了 "驢公樹" 啦！
就係咁.....惡夢就開始啦！



[ 本帖最後由 hiu2006 於 2008-9-2 06:56 編輯 ]

惡夢開始篇：
"驢公樹" 幫我排期去 "驢豬嬸菜樹" 落口供！
唔記得排幾耐，好似要一至兩星期後！
落完口供又再排期N咁多日後上 "驢豬嬸菜樹" 個庭 "嬸"！
原來 "驢公樹" 同 "驢豬嬸菜樹" 係唔同部門！
"驢公樹" 就係幫你搭路！每個地方都要排期！
"驢豬嬸菜樹" 係屬於 "髮丸" 凈係負責判....
真係凈係判 "古蛛" 要幾時比同比幾多，係唔會幫你追！
仲有 "古蛛" o係 "驢豬嬸菜樹" 嬸菜時係有得講價！
隻死 "古蛛" 話無＄個官就判小d，仲有得分期添！

"分兩期！一個月一期！每期＄XXXX"
個官問我制唔制！我話唔制個官就話：
"你唔制就要再排期 "嬸" 過！你制就唔洗等咁耐！"
我問個官點解要再排期？
個官話要睇口供.....研究研究再判.....
我先醒起隻死 "古蛛" 係開庭時先交口供紙！
個官跟本未睇過隻死 "古蛛" 份口供紙！正一老 seafood！
我當時身體...心...腦...所有器官入面都充滿......
"XYZ#@%*#!@#"
但在 "髮丸" 內又唔爆得.....
同我個數只差千幾.....好啦！
等了一個月...... 都係一毫子都無比過！
上返 "驢公樹" 就再叫我去 "破柴欠身...樹" 遞表，
再跟住幫我搭路去 "髮援樹" 搵免費 "栗C" 告佢....封佢盤！又要排期！
上到 "髮援樹" .....原來隻死 "古蛛" 已經有好多個 file o係度！最大數目拾幾萬！


[ 本帖最後由 hiu2006 於 2008-9-2 07:26 編輯 ]

追糧期間上過：
"驢公樹" 超過3次
"驢豬嬸菜樹" 超過3次
"驢公樹撿控科" 1次
"破柴欠身...樹" 1次
"奸商註冊樹" 2次
最後去左....."髮援樹" N次


真正結局篇：
在 "髮援樹" 填表申請免費 "栗C"，跟住返家等消息.....
等呀等....N日後 "髮援樹" 話我合資格可以有免費 "栗C" 告佢！
告佢....佢唔比就封佢盤！佢就要 "破柴"！
佢一 "破柴" 我就可以去 "破柴欠身...樹" 的 "破柴欠身基金" 拎＄！
等呀等....N日後 "髮援樹" 打電話講：
其中一位 "驢公" 自己請 "栗C" 告緊佢！
就係依一段時間...隻死 "古蛛" 為左唔想比＄......
佢用左一個非常 "賤格" 的方法！
結果令我要成年幾先可以 "暫時" 拎得返份糧！
點解 "暫時"？因為單官師比隻死 "古蛛" 係咁拖！仲未打完.....
我可以拎先...係因為我個數目細...
但單官師如有變，我隨時要嘔番D＄出尼！
"髮援樹" 個 "栗C" 問我要唔要....
我梗係話要啦！"嘔死好過餓死"！

佢個賤格方法我唔敢係度講！
因為驚比其牠無良 "古蛛" 睇到後照用就"大檸樂"！

- 完 -


[ 本帖最後由 hiu2006 於 2008-9-2 08:40 編輯 ]

原帖由 hiu2006 於 2008-9-2 07:12 發表

                               
登錄/註冊後可看大圖

追糧期間上過：
"驢公樹" 超過3次
"驢豬嬸菜樹" 超過3次
"驢公樹撿控科" 1次
"破柴欠身...樹" 1次
"奸商註冊樹" 2次
最後去左....."髮援樹" N次


真正結局篇：
在 "髮援樹" 填表申請免費 "栗C"，跟住返家等消息.....
等呀 ...

嘩! 真係好pk woo, 好在我呢間係USA上市公司, D 美國佬死要面, 唔會拖糧啫..............

仲有, 我以後唔敢大大聲話好得閒啦........................

[ 本帖最後由 做靚 於 2008-9-2 09:44 編輯 ]

原帖由 hiu2006 於 2008-9-2 07:12 發表

                               
登錄/註冊後可看大圖

追糧期間上過：
"驢公樹" 超過3次
"驢豬嬸菜樹" 超過3次
"驢公樹撿控科" 1次
"破柴欠身...樹" 1次
"奸商註冊樹" 2次
最後去左....."髮援樹" N次


真正結局篇：
在 "髮援樹" 填表申請免費 "栗C"，跟住返家等消息.....
等呀 ...

我就真係"登"你唔厎囉,
如果你有下一次既話呢, 記住判左佢要俾錢你的話, 叫法院代你收,如果佢一唔俾, 法院就追到佢爬街啦, 一切都唔駛你粗心啦

仲有下一次......
"驢豬嬸菜樹"判左佢要俾錢我......係"驢豬嬸菜樹"代我收.......佢都無俾.....但"驢豬嬸菜樹"都好似無同我追過！

[ 本帖最後由 hiu2006 於 2008-9-4 17:51 編輯 ]

香港政府機構d官了制度真系令人

政府政策差變成縱容d"賤人"......
政府"差"！"賤人"更"差"！
唉.....已經好過祖國好多啦！
鬼叫人窮咩......無$去邊都無力啦！

[ 本帖最後由 hiu2006 於 2008-9-4 19:28 編輯 ]

香港政府d所謂高官真係
各部門辦事效律之糕真係

原帖由 hiu2006 於 2008-9-4 19:21 發表

                               
登錄/註冊後可看大圖

政府政策差變成縱容d"賤人"......
政府"差"！"賤人"更"差"！
唉.....已經好過祖國好多啦！
鬼叫人窮咩......無$去邊都無力啦！

咁......我都冇話好講啦