以下係小弟於早年一個釣魚網頁討論區的一篇膚淺的文章, 係google搵得番出黎, 晒大家小小時間看看, 有如有錯, 不安或冒犯請見諒...
以前個網名叫鈴木叉燒...
~~~~尋找叉燒的故事~~~
話說叉燒係細個既時候,已經好鐘意去碼頭睇人地釣魚.
而個陣時碼頭既污染程度都仲尚好,釣上黎既魚都可以食...有乜野釣,個陣時我老豆係中環交易廣場做裝修(註:個陣時聯交所都係岩岩盤),而逄每個星期六及日都叫老豆帶埋我出去地盤玩...而我就最鐘意鼠落去卜公碼頭,用幾蚊雞買個泥"魚孟"鉤,即係八爪鉤,再將係朝頭早食剩個條油炸鬼,係個八爪鉤對上四至五吋位駁好,一野"dup"落去,跟住就一"揪"老泥上黎.嘩...都咪話幾過隱.
就係咁...小叉燒就開始對釣魚產生興趣,於是每個星期都係咁釣,之但係當拒有一次見到有條友,用一支好長既物體,有舊黑色既野,扎左好似好多魚絲,係個鉤上仲有舊好鬼大既鉛...根住都未睇清楚係乜東東,個位人兄就"Weeeeeeeeeee"一聲飛左個舊野出去,根住又好快咁係個舊黑色野到,個舊黑色野好似有個手柄,係咁攪下..攪下咁...又突然間用力將支黑色長形天線物體向後抽,又又又跟住成支天線變左"U"字,跟住個位人兄好似好興奮咁,但但但..突然間又"啪"一聲...
再過多年,我先知道個碌叫做投竿...oh,i see..
係個陣時,用投竿釣魚,同用手絲比,好似用竿釣魚有d氣派.於是,我就每日將d食飯錢用黎買包,儲左三個月就叫埋老媽子倍我去買竿,個陣時都未有而家N咁多間魚具鋪,而我老媽子係上環大既,咁個陣時又好似得一間魚具鋪係咁上下,就係上環個間" O"記,我仲記得,個間野養左隻貓仔...
成套架餐百四蚊啦...我記得我老媽子無論點同拒講都係無得減...於是我就諗,會唔會唔買呀...好,我講左句肺話...阿媽...你買比我,我會比心機讀書啦...
估唔到呢句肺話都幾有用,之但係讀書呢家野就很定實現唔到,唔係點解要而家仲晚晚番理工讀書...
續~~~~尋找叉燒的故事~~~
叉燒仔係個日買完竿之後,就已經好想試下個碌野,睇下係咪咁掂,於是我就日日係咁用俄文,同我呀媽講,叫拒帶我去釣魚,終於就搵左一個星期日走左去柴灣碼頭釣魚,由於果陣時連鉤都唔識駁,我就突然間,用支AA膠,將條魚絲and個鉤"chi"實...又攪掂
當然,咁係釣唔到魚,個陣時又無話有d乜東東釣魚書,又唔知乜野叫排口,只意唯係海就有魚...都食左好多年白果lu...
之後讀左中學,識得d同學仔多左,唔覺意咁比我識得有條友,屋企人係打魚既,係拒既帶領下,我開始發覺到中魚既feeling,係咁正(註:個陣時中既魚係石狗..疏law...咁),而我同拒越來越friend...又一次,我地發現係南AR島原來都幾多魚釣,魚種做好鬼多.但我個Friend係無投竿,咁我就借左支投竿比拒(個陣時我已經有幾支竿lu).我記得有一次,係碼頭等船時,我個freind就淋尾標尾會,中左條沙立,都有成斤重.有無攪錯,我用就唔中...
就係咁,我地就釣下..釣下..釣到中五,個陣時我阿媽都唔知幾緊張,釣魚緊係唔得啦,都差唔多等到會考完先可以釣,於是我地緊係大釣突釣啦...之不過...
放榜個日...我岩岩好夠分可以讀中六,而拒呢...而拒都決定去外國讀書,就係咁,我就將我所有既竿比晒拒,話時話,我阿媽都唔知幾嬲,話我仲乜咁蠢...而家諗番起,都有d對d竿唔住,點解,由於我個friend係去澳洲,係而家做左電波人,聽到魚神師父話,係澳洲d魚好"X"大條,我好似比左D7~9尺既投竿比拒.........點用???
跟住個幾年,都無乜時間去釣魚...讀書嘛...
續~~~~尋找叉燒的故事~~~
到我讀完大專時,出黎做野時,有一次去左大尾"DOCK"玩,見到有人係水塘釣魚,釣釣下就釣到條三四野既則魚,突然間,我既釣魚小宇宙又再次復活出來.
有一日,係一份報紙見到有位釣魚名人,叫吳生..詳細咁介紹淡水釣魚既基本工,咁我就搵日走左去個間野到問下啦..問問下就變左買野,我同女友仔一人一支,好...搵日好日再次出發.
話時話,個陣時都唔係幾識釣淡水魚,由其事搓粉餌,而我個陣時只識用花生灰,生粉撈埋就算,個一次,成舊粉餌DUP落去,跟住又成舊野上番黎...緊係又釣唔到魚啦.之不過經過唔小次嘗試,終於有所斬獲.
而有一日,我地行行下行到去上環個間魚具鋪,發現有好多野唔同左...由以前既風扇變成空調,而個隻,已經變成一隻老貓,據老闆話(註:老闆已經係由拒個仔掌舵),隻貓都幾十歲,做好似好多老人病,SORRY...係老貓病,唔知拒認唔認得我呢...話時話..唔經唔覺咁就過左廿年,連以前既卜公碼頭都無左,真係咁就過左人生既第二個十年,之但係,係我釣魚既時間中,最開心都係認識左電波呢個網...將我既釣魚技術推上第二個"蕉"峰..亦都迫使我研究出一套十二路破蕉大法......不過都係唔得..經過上次同老屈AND阿蛇既經驗,亦都印證左一句名OSF說法..成個海都係魚釣唔到係你..........削
續~~~~尋找老叉的故事~~~ 之叉燒的起源
我既小女友由以前反對我成日去釣魚,到而家一話去釣淡水,就"E"起鵬牙話好好FEEL...當中梗係有d龍鳥...
又又話說當時釣淡水魚時,真係乜叉都唔識,又無人教...都係自己撫下撫下咁,而係一次上網
ser廚既時候,比我發現到電波網呢個咁古怪騎呢網.之不過,都係無乜識玩淡水.而好多OSF都知我比較鍾意玩筏釣OR攪磯,其實真係無人知,我最鍾意都係玩台釣多D.係呢個原因下,我唯有多D去船灣淡水湖到吸下其他老手...點知........
梗係無人"彩"你啦...好無耐.
我記得有一次,同老某釣完魚時,見到死佬標(註:死佬標同菠蘿呢兩條粉人要下段詳細d講)呢條粉腸AND魚神師父玩澳洲feel,於是忘記左自己已經有12個鍾未訓個,就一野pop落隻船到,就係咁,個次就比我一試比d細魚都可以拉到成支竿變u型既feeling...正,而有一樣野要係到講,就係個日d糧草已經食Q晒,而突然間有條友叫"DeEdd",將拒個舊包"mid"一半比我,我再將個一半再分一半比阿死佬標,話時話,個日就係得個舊包,之但係又可以頂到下午喎...其實我係好懷疑de"edd就係行左個好出名既奇蹟.將自己既食物分一半比人,而自己就乜都無...
如想看原文可pm本人告之...謝謝...
|
[複製鏈接]
提升卡
置頂卡
沉默卡
喧囂卡
變色卡
千斤頂
顯身卡
....搵倒未！？？？
樓主