南油船主應否保護南油釣塲而限制客人取魚數量？

blackbream88 · 發表於 4/9/2012 23:49:33

我相信絕大多數船主為漁民出生，後來因魚源短缺而改行成為釣船，而現時南油的魚獲大家都有目共睹，再發展落去，船主們的揾食地方，即我們尋開心的南油就玩完，冇魚釣，吾通我會揾你去遊船河咩！
如果等政府出手限魚，第一不知何年何日，第二可能是嚴格執行禁釣區，都係冇得釣。
單靠客人自律也很難，回想近日一次黃其爆釣，雖然我只取兩條，當我要放魚時總有些釣友要求攞魚，我們去玩也不想得失其他人，結果他回程時有超過四擔魚穫。
最易實行限魚方法我想係船主們之間有共識，明文規定各種魚的大小及可取數量，船主們可能維一擔心限魚後失客，希望釣友們能表態繼續支持，什至拒坐沒有限魚的釣船。

萬寶路 · 發表於 5/9/2012 00:12:44

有d艇佬都要自已攞魚賣為皮！咁好難重要限制人拎幾多魚！雖然我明大方向！但確實又幾難做得到

blackbream88 · 發表於 5/9/2012 00:23:22

萬寶路發表於 2012-9-5 00:12
有d艇佬都要自已攞魚賣為皮！咁好難重要限制人拎幾多魚！雖然我明大方向！但確實又幾難做得到 ...

如果大家拒坐果隻船，佢就出吾到去，又吾會比人攞哂D池仔。

華少 · 發表於 5/9/2012 00:44:53

這不是形式上,而是整個架構的問題,這些都是由漁民出身開船出南油,燒緊幾多桶油,每桶油幾錢都要計,重有船工要出糧,若果船家不再釣魚,咁就要將費用全數轉架俾釣客,在中國人的心態既然俾左錢點解唔釣盡D,若果加上要限佢地釣魚數量,咁一定好反感,若釣客反感不出海釣咁D船家就無收入,又要做返捕魚,最後咪一樣去返南油捉魚,因為D魚價高好賣嘛...
而且中國在南海甚至整個中國水域都沒有立法限制捕魚量及體型(除了二級受保護魚種是禁捕外),因此這都無可能發生,另一點就係,我地出南油係非法出境,香港政府不受管,即使立法保護魚源都只能限制於香港水域以內,南油永遠都是中國管的
即使有一天我們真的不可以出南油釣魚,但仍然有為數不少國內釣友出發,所以這想法只能等時間流速
所以真正搞限體形限數量的並不是香港,而是中國

tosakin62 · 發表於 5/9/2012 01:13:27

技術上辦不到，剩係D船家一袋袋垃圾順手就掉落海，就知佢地有幾愛海洋啦！
佢地車隻艇仔去一擔一擔咁釣，叫佢地限制客人取魚！鬼啋佢咩！

xboy · 發表於 5/9/2012 01:52:32

各位c兄唔使怕,今日睇大陸報纸話大陸有22個油井公開招標合作鑚油,其中有18個係南诲東面及西面
等多3-5年應該冇問題！！！！！

sofly · 發表於 5/9/2012 02:17:59

呢個地球就黎多魚種冇格啦{:68_4018:}

chpahi · 發表於 5/9/2012 05:53:28

艇佬都要自已攞魚賣為皮x2

siubing · 發表於 5/9/2012 08:06:20

xboy 發表於 2012-9-5 01:52

登錄/註冊後可看大圖

各位c兄唔使怕,今日睇大陸報纸話大陸有22個油井公開招標合作鑚油,其中有18個係南诲東面及西面
等多3-5 ...

師兄, 原來新油井會生的新魚出黎袈?

好似你咁講咪唔駛保護囉, 盡釣, 釣死個井, 起個新井就自然有魚, 咁大家現在既擔心咪多餘?

南油之死................RIP

細路一個 · 發表於 5/9/2012 09:33:03

有好多放都唔生.深水既中晒壓..黃其煙仔一上水就死

...得既可能只有章紅..拉撚同牛牛

[釣場] 南油船主應否保護南油釣塲而限制客人取魚數量？