何謂服務？

lco · 發表於 8/9/2012 00:47:50

本帖最後由 lco 於 2012-9-8 01:45 編輯

話說某灣仔大型連所釣具店新開張，見有時間就過去睇睇啦，之後見到有隻3000lb魚鮫就問一名女店員隻魚鮫仲有冇細d型號，佢睇睇本catalog就話有2500不過重量一樣，之後我見本書隻鮫有出2000我就問有冇返2000(因本人想找一隻2000lb好耐)佢答案係你打幾多號魚絲但冇講其他野(我心諗我打幾多號關有冇返乜是)見佢冇答案我又睇下其他野啦，之後臨走我再問多次2000果隻可唔可以訂，點知佢都係冷冷淡淡咁答你打幾多號魚絲(問非所答)咁我就答佢啦我打布絲不過唔會成餅打曬(我又心諗我點用打幾多號關你乜是丫我習慣係打一半因為我覺得打得太滿會成日鬆如果打太小個杯太深出絲冇咁順，我多數釣腳邊淺場好小放流)之後佢冇再答我而佢表情係好似覺得我唔識野咁，咁我又冇同佢嘈，但我覺得~ 1佢一d都唔專業冇去了解我同點解需要~ 2佢ga態度會比人覺得佢覺得我乜都唔識自己好叻…… 在此如果呢位女店員有幸睇到希望佢會懂得反醒下點樣服務顧客……

sofly · 發表於 8/9/2012 01:02:02

請問師兄係唔係D牌子呀????????????/

萬寶路 · 發表於 8/9/2012 01:04:07

乜乜友

lco · 發表於 8/9/2012 01:12:50

係D牌……

南區龜仙人 · 發表於 8/9/2012 04:50:21

本帖最後由南區龜仙人於 2012-9-8 04:56 編輯

師兄/師姐.......之前小弟由佢地未搬之前喺上環都上開去買野！！就係呢個女仔跟開本人張單......我個人同女友覺得.......此女售貨員態度並唔係你所講咁差！而且仲好有服務態度架喎！不過無論點都好如果你感到交易過程不快就唔好上去買野囉！但個人觀感覺得師兄/師姐無此需要上論壇暗喻下指出其店不是！始終人地都係為生活啫，公司內部無入貨或售罄，店內又只得小量存貨，為求成功造成生意，所以先一時走歪了銷售技巧啫！師兄/師姐小弟並不是要挑釁生事！最後希望你會盡快買到心頭好！！

lco · 發表於 8/9/2012 07:23:34

南區龜仙人發表於 2012-9-8 04:50
師兄/師姐.......之前小弟由佢地未搬之前喺上環都上開去買野！！就係呢個女仔跟開本人張單......我個人同女 ...

師兄……首先小弟都唔係想挑釁生事，不過如果我地係講緊同一個人，佢點對待你我就唔知道而我就只係講佢點對我ga事實啫，可能師兄你本身受歡迎過劉德華呢；)但如果因為佢而我唔去該店買野我又覺得冇咁必要因為我由該店得天后鋪時已認識該店而且買野講求方便啫……我相信並不是該店本身意思，我講出來係想討論下現時服務應該有ga態度啫……

lco · 發表於 8/9/2012 07:33:26

我都相信如果佢有改善的話對佢係有幫助，我自己並沒有討厭佢ga…

寂寞人 · 發表於 8/9/2012 10:33:49

我最近都去過嗰間嘢,不過唔知c兄講嗰個係咪年齡大約30尾左右頭髮啱啱到頸部嘅女店員呢?

我上次上去問佢D魚絲呀撈箕頭呀,佢都好細心咁介紹喎,會唔會c兄剛剛遇著佢比老細鬧完或者女性生理週期剛到呢

,下次再去睇吓囉,可能又另一番景象呢!^ggan11@

最強幻象 · 發表於 8/9/2012 11:22:51

其實我覺得佢想引身個問題出黎...如果你話左比佢知你用布線...可能會有好大轉變...
當然如果個樣好乞人憎既就例外...此終我地悟在場...
師兄我都係用布線...墊低線在所難免...
我都見過有2000杯...但應該都要加少少墊低絲...所以無買到個杯....

TEN69 · 發表於 8/9/2012 11:32:35

我都算一個好黑人憎既客人，
上櫬去都係齋睇唔買，
但係又冇咩唔好態度喎，
咁等得閒又落去行下先！

[其他] 何謂服務？

評分