新手養海水魚問題(急~)

各位c hing,
我想問一下一個20*12*19(inch)嘅缸需要幾強嘅瀘水器。
我原先用呢個有頂部式過瀘器嘅缸嚟養淡水魚,冇養一排,
近排去學釣魚嗰陣釣到d魚毛仔,就連水帶魚咁倒落個缸養住,
鋪咗珊瑚骨同插咗蛋白機,d黄腳仔都冇問題。
我重買埋d海鹽去換水添....
直到有三曰,頭一曰d魚呼吸急住,對住個排水口朝聖,
第二日,堆晒喺一個角落頭度唔想郁,又唔肯食野,
第三曰,就全部買單.除咗最細條嘅蝦虎魚....
我即刻撲出去買d醫鰓吸蟲寄生症嘅藥,
點知個sales話d魚中係NH3毒,要加瀘筒先有冇事,
所以係想問吓各位大師要用幾勁嘅瀘筒先得~

養鹹水魚唔同養淡水！咸o野好多學問！鹹度！水硬度！溫度！no2/no3 ！亞摩尼亞！又要化氮！又要生物環養硝化細菌！如果諗住釣返o黎就咁掉落缸養！同殺佢冇分別！不如放佢一條生路好過！一係你買d關於養鹹水的書刨熟先

海水魚過濾要求會比淡水魚高,所以師兄你個頂濾其實作用唔大
你個缸約75l水,最小要用到750L流量左右既濾桶(因為最適係過濾可以將缸內海水循環10次)
桶內打滿生物環同,至於開缸就千奇唔好心急,set up好所有野之後可以加1條開缸魚做死士
因為要等待魚缸n cycle完成魚缸生態先會慢慢穩定,過程中魚缸水質會轉差,no2上升,魚缸出啡笞,
當啡笞消失後就代表n cycle以初步建立完成,可以慢慢加魚,
如果想n cycle加快完成可以去買硝化細菌倒入魚缸,但千奇唔好加太多,唔係會反效果

個人小小意見,開缸魚可以去魚街買1條10蚊雞既藍魔試下先,因為呢隻魚生命力幾強
立魚我自己都有養過,1年可以由1寸多d變到4寸,仲好惡死XD
師兄有咩問題可以pm我大家交流下,小弟自己都有玩開咸野

我個九寸缸都養到…
你有冇落生物環同消化細菌呀?
我個缸設備好簡單…
掛瀘，生物環，消化細菌，活性碳…
就係咁多…
但最後係比我隻貓嚇到跳左出缸而死><

kenter 發表於 2012-10-7 04:15
海水魚過濾要求會比淡水魚高,所以師兄你個頂濾其實作用唔大
你個缸約75l水,最小要用到750L流量左右既濾桶( ...

師兄~請問個缸起青台會唔會有影響?

生物環,消化細菌，活性碳,頂瀘呢d野,其實我淡水缸都用開,
而家只不過係要落海鹽,所以我加咗個蛋白分離器(化氮)同鹽度計,
事實上我都有跟d水魚書講去買條籃魔做死士試水,
只係最後俾d立啄死咗..
個缸一直run咗個幾月都相安無事,
然後入咗新魚冇奈就歸天...
而我啱啱就屈服咗,聽店員講買咗個EDEN 511返嚟行,
淨係覺得如果係鰓吸蟲(病徵似)嘅話,加瀘即時作用只係感染多一嚿野姐~

dycki1231 發表於 2012-10-7 11:35
生物環,消化細菌，活性碳,頂瀘呢d野,其實我淡水缸都用開,
而家只不過係要落海鹽,所以我加咗個蛋白分離器(化 ...

點解唔清左個缸佢之後…再重新養過水…

要比最細條嘅蝦虎魚用

dycki1231 發表於 2012-10-7 11:35

                               
登錄/註冊後可看大圖

生物環,消化細菌，活性碳,頂瀘呢d野,其實我淡水缸都用開,
而家只不過係要落海鹽,所以我加咗個蛋白分離器(化 ...

鰓蟲傳染性無白點咁高,早期都係FING頭,擦腮同沖水流,最有效係抽起病魚用TDC去e治療,eden511都幾好用~!

wingkit216 發表於 2012-10-7 04:30

                               
登錄/註冊後可看大圖

師兄~請問個缸起青台會唔會有影響?

青台呢d對魚無影響既^^只係影響外觀,當常我都會刮走佢