國慶假二次筏戰

小弟筏仔新手, 呢次第二次上在魚排玩, 磯竿一落即中左一口, 唔識分咩魚, 應該差唔多2斤, 有ching 話係三刀, 有ching 話係雄雞魚; 以為咁好luck, 點之之後一直只見浮波一浮一沉, 抽幾野都無料到, 餌都無埋, 應該係比d魚毛打劫晒.... 算, 中層唔夠玩, 放棄, 轉戰筏仔



筏仔真係幾過引, 不過攻擊範圍無磯竿咁大, 只有前面幾尺位直落, 定係小弟新手唔識玩, 中倉魚幾好玩, 不過好快上魚;

入夜後有段時間比較靜, 放底支筏仔吹水, 突然咚隆亂聲響起, 支筏仔係咁係到掙扎, 同水中某巨獸產生共鳴, 一支箭咁飛出去, OMG, 好彩有失手繩, 否則.....

拾返支筏仔, 手感明顯同倉魚有分別, 唔似倉咁片幾野就無力, 巨獸會衝下沉下, 好玩好多, 突然巨獸發力一衝, 嘩...我頂, 好痛.... 隻手指, 好似比火燒咁, 巨獸衝刺轉動個杯急轉, 由于小弟一直用手指禁住, 磨擦產生巨熱, 好采無著火.... 不過真係好鬼痛, 考慮下次係咪要帶手套/指套, 一輪力博總算上到, 巨獸應該過2斤, 不過都係唔知咩魚....
古有孔明驅巨獸六破蠻兵, 燒縢甲七禽孟獲
今日小弟釣巨獸二試筏竿, 燒手燒終降佚物

以下三人作戰12小時收獲, 十幾條泥鯭/小大尾鮋無影相, 每人取魚2條後放生盡興而回....

甘好魚  師兄邊度黎??

好收獲呀恭喜

收獲好正，恭喜

師兄請問邊個排咁好環境吖？

恭喜哂師兄!好好魚請問邊個排釣?可唔可以pm比小弟呀?{:68_4015:}

恭喜C兄!

恭喜哂師兄!好好魚請問邊個排釣? 可唔可以pm比小弟呀?
x2

好好魚，恭喜師兄!

恭喜c兄!收獲唔錯!^ggan12@