11/01更新尋找新釣點給大家分享

無私....支持~superkao5^

好多時候大家都好想找一個釣到魚既好地方,但係一直都搵唔到好地方好排口....

而有一些人知道而不會分享出來(可能怕比人釣得多無魚釣喇),但好老實講,個海咁大D魚邊釣得晒牙...只要細魚放生,只取需要既魚量,保持海洋清潔,我相信好多地方都會釣到好魚...所以我決定明天開始去搵一D釣魚既好地方分享比大家,希望大家都可以釣得開心,玩得過引~!但係請大家做好我剛剛所講既細魚放生,只取需要既魚量,保持海洋清潔就好了...如果大家都有興趣知道的話...請多留意呢個POST~~謝謝!

終於有時間POST釣點了...唔講咁多...去相先~!

日期:10月26日
地點:青馬大橋付近
時間:11:00~17:00
釣穫:一般

由汀九租4匹出發係上圖呢個位前小小有個石灘位,
水底係沙石底會有大石(有機會中地球)

另外一個位係青馬大橋過左燈塔既一個石博位既中間,
中魚機會幾高下,水深約10M...不過大浪要小心



本人就中左兩條魚,都係斤頭,而下圖就係我同行朋友既魚穫...

本來打算星期日再去第二D地方,但係打風所以要取消,
可能要到下星期中先再出船了...
如C兄們有興趣一齊去的話可以PM我...
希望大家多D回覆持持我去搵一D釣點同大家分享一下,
唔好睇完就算~謝謝~!
好多謝大家既支持,所以10月28日會去決戰東水(西貢)...到時再同大家分享
釣點同釣穫~!

日期:10月28日
地點:西貢
時間:13:00~17:00
釣穫:一般
今次同大家介紹既係橋咀島既後灣,不過今次唔記得左影相比大家睇,
因為要照顧新手釣友,我一陣補張地圖既相比大家睇~!
\
今日6級風超大風的...魚都唔係好開口,但係肥佬船家超利害...釣到一條差不多3斤重既細鱗
大到個大水桶都放唔落

大到雙手都抱唔住~

全日收穫有細鱗,斤頭芝麻班,8兩重王腳立,沙鑽(有d好細條既班仔放生了)
王腳劏左先記得影相~
想知詳細d既話請回覆呢個post~謝謝大家請支持一下~

要大家久等了....11月1日船釣來了~!!!

日期:11月01日
地點:西貢
時間:11:00~15:00
釣穫:不錯

今日又走左西貢搵肥佬船家...肥佬話上次去果到無理由咁小魚釣(即橋咀後灣),所以今次決定再去多次果到...估唔到真係有d境wow~去相先~~~!!!





今次釣到既有兩斤幾紅鮪 x 2,斤頭芝麻班 x 2,斤頭黑沙 x 1,手板沙立 x 2,沙孟 x 1(有兩條小朋友放生了)
果然肥佬無呃我...好...今次講到呢到先...睇下明天有無團...有團就再同大家分享^^

gooddd

感謝~~~~~

支持

有好釣點可唔可以PM我呀，感謝~~~~~

支持！！！！！辛苦駛！

gd

支持呀！！！

一樣米養百樣人..

岩岩學艇釣,所以哩個post會非常有用,支持師兄做法