艇神緊急召集

昨晚收到阿鄧whatsapp..吹雞，今日忽然搵腳轉散團，原來有客怕3-4級風大唔出...放飛機。我腳痛放緊病假都要舉手，皆因佢每月得一兩日散團。
TKO出發釣手有我，隊長，阿關，排骨。今日千人台報初時4-5後轉東北6級，去程有雨天色陰暗，到達第一釣點擔桿二門，太陽出來了轉晴，可惜零魚訊。一路不停轉位到檐尾.....嘩見到雞頭石，都係未開生倉。阿鄧話吹6級東北回航要去伶仃加油行南丫島番維港，我地都唔識???你車去邊就去邊囉，快D有魚釣就得！
午後轉到伶仃加油，阿鄧話帶我地去揾怪獸，皆因佢早幾日斷咗幾口，今日想番嚟搵答案。到釣點，有魚接餌，石釘、雞魚、瓜衫、惑仔、疏籮，起孖不停。忽然隊長神色緊張，重口唔知係勿魚，收收下.....中大獎2斤12紅斑上艇，好運跟住來，我中斤半細鱗，排骨 C Hing 中金條，4點完埸前阿鄧交戲，你地收絲我中咗怪獸，條絲交咗比隊長收，佢後車追，我幫手揸收絲尾，今次發揮團隊精神仲唔KO你，玩咗幾分鐘......虛絲，xyz*&%$！
所有釣手立刻轉重磅絲落大眼仔再試，幾分鐘後，阿關副5號炭絲中，玩咗一陣就真相大白，十幾斤黑鳌上艇。今日各有所得盡興而歸，下半埸過足手引。

靚魚合照

我的小小魚獲

見到都開心

弓喜! 弓喜!

恭喜師兄真係好魚啊

多謝分享