本帖最後由 nelvin_chan 於 2012-12-9 14:50 編輯
話說好友就來要入冊(camp)培訓, 將會暫別釣魚, 就約左我地作出後一釣...
出席人仕包括:
Me, Chris, Wilson, 阿龍
去到釣點, 立馬開...飯盒醫肚先...
醫完肚開竿作釣, 原來對面的阿龍飯都未食, 就已經釣緊,
佢爛釣就係我地群出晒名, 但洗吾洗爛釣成咁???
Wilson 先去一位置玩落入, 但轉頭就同我講話好似有野托住口鉺, 但抽吾中...
跟手我又勾第一隻蝦落去試下...無野托住, 但一到底隻蝦係度跳...又感覺度有野輕微打左下,
等左一陣帶一帶又無料到, 心吾死重生再落過口鉺, 落到底又係輕微打左一下. 今次等耐d,
又係無反應, 微微帶一帶, 終於有野微拉, 抽...中...
吾知係食飽飯定係著左件羽絨同埋一條以前在東北工作, 零下20度著的"駱駝毛" 內膽長褲開係...
居然弓魚未ready咁, 有d陀手"na"腳...
wilson仲話我步履不穩咁....
弓左2手, 條魚狂爆... 一隻手頂魚, 一隻按住杯, 帶到條魚射去外面先, 放俾佢走,
放下收下, 過左一陣就上左水...
Wilson用左佢個支3.3m撈箕撈上來....其實到而家都吾明點解佢咁老定,
帶支3.3m, 吾帶支5m, 撈完上來後, 對面的阿龍同chris 問到大大聲咩野來....
原來係47cm細鱗, 又將前打細鱗個人紀錄推高1cm...
玩多一陣後, 見對面阿龍中魚...玩左2手, 到柄, 即時大叫佢放一手, 可惜太late...
但居然吾係斷...係甩魚....暈死....
玩到未到一點, 發現我同wilson得番28飛子彈, 問一問對面阿龍同Chris, 原來佢地差吾多....
相信阿龍又俾人呃秤 (阿龍包辦買蝦)...
同wilson商量後, 決定用死蝦作釣 (其實先得死蝦2-3隻), 待3點打後流水當天最住時才用生蝦...
點知....中途Wilson起左條手掌長的沙鑽, 我就話不如拎來起肉釣...
點知原來2條傻佬都無帶刀...
人在野, 食自己, 唯有諗下計, 最後用左個汽水罐的鋁蓋, 用把鉗鉗住, 磨利佢,
用來當刀起肉...2條友咁又玩左15-20分鐘...
起左8-9件肉, 仲有魚腸釣...
用完死蝦, 就用新鮮沙鑽刺生釣, 玩左一陣都係得蟹搞...
但我就死吾信邪...keep on用魚肉釣, 諗住大斑應該都會食...
點知突然有野慢而沉實的拉竿, 抽....中....弓頭2手好有力, 即時zoom竿....
點知zoom完頂, 得個"重"字, 諗住真係可能係斑, 但又吾似, d斑通常半水都會游2下嫁,
今次完全釣垃圾feel咁.... 一上水, 即時"小...............
"油追一條.... 
但想起阿老媽子早排話想食油追,
待wilson撈了上水後, 我就即時將木登狂打暈佢, 都打左10幾下, wilson話我好狠, 好似電影中拎石頭殺人咁..
之後剪絲放入膠袋, 點知過左幾分鐘, 佢又咬穿膠袋, 唯有醒多佢10幾野...
佢死好過俾佢咬死...
到左3點後, 我同wilson見流水不錯, 即時改用生蝦,
中途wilson又見到隻蟹浮面游水, 但支撈箕吾夠長(3m3),
我地又話蝦引佢都吾游過來, 我突然諗起支竿zoom左應該夠長....
zoom左後搵個竿頭頂佢入來, 點知佢不斷攻擊個營光棒, 真係擔心佢夾斷支竿頭...
最後自投羅網, 佢又佢夾營光棒, 我就拉入來順利俾wilson入網, wilson仲送左間豪宅俾佢住....
4點零到, wilson中左盲曹, 雖然係BB級, 但野生d色真係好靚, 帶黃金色..
近爆光時段, 又中左另外一條紀錄魚, 31cm花頭梅, 個頭好cute, 又將佢收監養住佢....
到走時, 送左隻蟹番屋企....
另外wilson同我都打算今次要拎魚番去交差, 將魚放血後, 用生扣放回海中等放血...點知....
放盡血後, 將生扣拉上來...一拉....
條繩斷左, 見一條一條魚慢慢同你say goodbye...
之後我同wilson用8爪鈎拖底, 都無法再次遇見佢地... 唯有收工走人,
得番1條油追我就懶得拎, 俾左阿龍"壯陽"
番到屋企後...阿龍居然在油追肚中搵到佢其中熱愛的美食...(見圖)
全晚個人魚穫:
47cm細倫
31cm花頭梅
70cm 2斤花追
p.s. 祝願Chris 新工作順利, 另多謝各友人大魚獎早餐..haha
|
[複製鏈接]
提升卡
置頂卡
沉默卡
喧囂卡
變色卡
千斤頂
顯身卡