以為去澳洲前不會有機會再釣魚 ! 真係估唔到可以連釣2晚 ! 第一晚成點鍾先釣 . 釣到好多條魚仔大大話有16-18條不過超細條 , 1個鍾多d算唔錯 ! 大佬話細細條拎返屋企煎好好食, 比較大條嘅放咗 ! 大佬話d魚咁細條唔好出相, 如果唔係會祖宗山墳都會被挖出來鬧 ! 第2晚就係一行9人去瀧鼓灘燒嘢食, 大佬當然有帶枝魚杆去釣魚喇 ! 有得去釣魚就無咩心機燒嘢食 , 燒咗半個鍾就撇低爹地媽咪朋友仔捉大佬去釣魚. 大佬話帶我去浪漫行沙灘. 其實行沙灘一d都唔浪漫, 成個海黑到咩都睇唔到, 一個人都無仲要有d浪聲好大加上企係d沙好似好唔實在, 等我形注有d嘢會係個海爬上來 . 同電視/電影行沙灘嘅情節相差太遠(所以各位師兄大大千萬唔好帶女朋友/太太去行沙灘懶浪漫係唔work) ! 不過有理無理都要釣 , 今日用嘅魚型假餌同噚日用虫虫假餌唔同 ! d海水好似好急由左邊向右邊 ,大佬話要拋去右邊逆水慢慢收 (其實黑到咁都唔知拋咗去邊 ) ! 由瀧鼓灘行去屯門方向拋吓收吓, 玩咗5分鐘左右就有魚咬假餌好清晰好明確 , 枝杆即刻灣灣地條線就好像加速逆水向左邊, 個感覺好重但唔算好大嘅反抗(相比紅鮋魚細力好多) . 時間實際用咗幾耐唔知我諗太約2分鐘條就魚上岸, 係上岸前佢兩邊好似雀仔對翼係咁郁 ! 一望條魚怪怪的扁扁的, 我問大佬咩魚佢話咪魚囉(都唔明大嫂點忍佢, 成日都九唔搭八 ) ! 之後再有3次有魚食我枝魚杆, 我感覺d魚咬假餌時作出嘅動作同逃跑方式一樣. 結果釣上來嘅魚都係一樣樣只係大細唔同. 其中有一次就有少少分別只係條魚無逆水向左游, 結果釣上來嘅魚就唔同樣(即相裡面最上嗰條). d條魚仲整到我大佬隻手流血添.本來我覺得今次可以釣多幾條魚,因為個沙灘都未行完. 但無辦法追魂call 叫我地返去燒烤場 ! 返到去當然被人問仲咩去咁鬼耐同魚獲喇 ! 我問媽咪似唔似當日你好貴買返屋招呼朋友仔食飯嗰條魚. 朋友仔爺爺見到話d條似大地魚, 你請我地食嗰條好似係龍脷 ! 我當然識做比條最大嘅佢喇(個條起碼大4分1) ! 今年我會係澳洲過聖誕, 係度預祝各位師兄大大聖誕快樂先 ! P.S. 係沙灘釣魚時要小心濕鞋 , 因為d浪時大時細d水有時勇得好上有時無 ! 變咗有時要走上走落 !
| 
[複製鏈接]
顯身卡
樓主
提升卡
置頂卡
沉默卡
喧囂卡
變色卡
千斤頂
