一魚還有一魚大

話說星期六中左斑斑33cm,同呀媽報喜...星期日有師兄過黎玩,諗住拎埋D餌落去比師兄....ee冇左既.....打比呀媽先
呀媽:我拎左落去幫你用埋佢呀,你條魚聽日先煮啦,今晚食自啦你.....


好執支萬用竿拎個腰包買一兩蟲仔,去搵師兄,釣左陣,師兄發現到D野,急急腳行埋一邊,噹噹...中左條傻佬,我照指示埋去接力,途中有位師兄視察完環境行出黎時問道:青蟲釣星鱸? 我話:是但玩下咁啦 估都估到條蟲仔咁死要面,比人激將一句就,噹噹...我都唔執輸中返條,之後師兄手起竿落再,噹噹...師兄就係師兄,坐多陣都冇動靜就換位啦...
呢邊都好靜,就響呢個時候,噹噹...電話響....................呀媽打黎話:喂支竿飛左落海...不過用另一支竿釣返佢上黎... 我:下...咁都得 呀媽繼續講話,落左海支竿釣住條好大既魚呀,D人話係細鱗,好大條呀

最後我同師兄兩條麻甩佬釣左三條傻星鱸,大魚獎就比我呀媽拎左,返龜度高,我條傻佬37cm但係瘦到死咁,條細鱗過40cm又肥仔又健碩.....

結果而家屋企冰箱有三大條魚,今個星期唔洗買魚啦...

師兄下次入黎再玩過...

無相睇既...

下次要釣條再大d o的, 威比呀媽睇!

點解冇相睇, 我好想睇下條細倫有幾肥!

有相啦...
希望出年禁拖網之後有更多魚啦,今年應該真係收弓架啦,聽日冷鋒到港
如果出年有多三幾人join埋玩就好啦

vkei 發表於 2012-12-17 21:49

                               
登錄/註冊後可看大圖

有相啦...
希望出年禁拖網之後有更多魚啦,今年應該真係收弓架啦,聽日冷鋒到港
如果出年有多三幾人join埋玩 ...

食左未呀?

最後我呀媽決定叫埋我家姐同姐夫,一次煮晒.............,一路睇頒獎一路食

哈哈哈...斑斑既肉係好食D....評分最高,成為我最喜愛的魚魚........

個咀好型仔=]{:53_3284:}