重新體驗岸狗狗 (狗竿開竿)

最近天氣都幾凍，於是行釣具鋪多過去釣魚...其實之前一路都想買支靚少少既狗竿，
可能狗季到了，釣具鋪番左唔少靚貨，
睇下睇下...又出事了...
幾經努力申請到批文入境 !

其實有幾個選擇既，呢支雖然MADE IN CHINA 但勝在個價錢吸引。


買得竿來又上下子彈，試下唔同的Jighead !


新竿入伙，呢個星期去的左3 日，每次大約3-4 個鐘。
點解講係新體驗呢...因為我之前初學的狗...是一味重鉛探底的...
我的狗方法都唔知岩唔錯ga, 相信好多人都好似我咁...
無人教又唔知點入手，見開竿咁開心想同大家分享下，
如有講錯 ，各位CHING 多多指導一下。
雖然的狗係好簡單，但有d 細節掌握好d 又真係好大分別。


第一日1700-2100
41 GETS  (全數放生)



是次主要用 1g 左右 Jighead ，貼牆落入式咁去搜索，
雖然釣點有一陣陣好大既船浪，但其實對貼邊落既細 jighead 影響又唔算好大。
一路慢慢落到底，無魚訊就收起，行過d 再落。其實有點似用膠蟲玩前打 XD!

未入黑前，魚都是靠中層食餌。
入黑後，就食上層至中層。
到後期...好疏口果一個鐘頭，我估 d 魚過左搵食時間，搵晒地方休息。
要搵d 大機會d 既標點去探 ...貼面至水底都有食餌

結論 用輕Jighead 落入較自然，大細狗都愛咬!!
用重d 既唔係唔中...不過個% 少d ，但可抵抗大湧浪!!



第二日
晚飯前 1600-1930, 晚飯後 0000 - 0100
28 GETS (全數放生)



釣法同之前差唔多，但可能呢日死流關係，比之前少了。
同朋友吃完晚飯食埋糖水後，再去玩多陣。
同之前勁疏口既時間一樣... 唯有轉轉玩法，唔貼邊落。
用重D 既Jighead (3-3.5g) 向碼頭d 樁同樁之間既地方抛。

呢個玩法其實好刺激，一撻Q 個Jighead 就會掛在樁上...
唔撻Q 都好，都有機會俾D 水流扯左個Jighead 入樁掛住...
最刺激就係，條蟲一落水，有條大狗咬住你個Jighead 搶住要游返入樁。
(順便講一講，日本仔根魚Jighead 有個好處係，通常鈎較軟，
好彩的話，慢慢拉直個鈎有機會可以拎得番，
唔好彩就一係個鈎斷...一係就俾d 野界斷條魚絲...)

估唔到甜品後偷回來的呢一個鐘都搵到唔少樂趣。



第三日
1700 - 2000
12 GETS (有幾條大條既俾左朋友拎返HOME 交貨，其餘放生)

是日死流，氣溫比早兩天更凍...
一開始果個半鐘都KEEP 住有得玩，但入黑水退定後就好疏口了...
加上天氣凍...個人低活性... 提唔起精神搵標點探
朋友釣青蟲，我釣膠蟲，佢中狗以外中左條沙鯭同沙鑽...




經過呢幾日既體驗，改變左之前一D 諗法。

狗不一定是在底吃餌的!!!
同埋之前一路覺得d jighead 好貴，買鉛頭鈎好過啦..
原來唔同Jighead 唔止重量既分別，仲有利於唔同玩法，所帶來既優勢其實都唔少野。

其實d 軟餌加jighead都唔算貴，要去玩硬狗狗相信消費更高!
但我好相信硬狗狗一定都好好玩!

(我買完兩隻minimaru 諗諗下....覺得有點笨...買一包jighead 加一包靚蟲蟲都是$8x 仲有幾次機會俾我掛tim...)


發玩UP 瘋，謝謝觀看。

希望其他CHING 可以多點分享下心得同搵魚過程，一齊享受下lure fishing 既樂趣。

呢啲先係認真專業嘅分享！

師兄中環碼頭的多？好似見過你
我覺得jighead 同蟲上網淘會比較化算，我半年前一次過買成百幾粒jighead，計運費平均每粒jighead/每條蟲都係一個幾毫港幣，都衣家都未用完
的蟲既游層哥方面我覺得會影響埋外道魚收穫，貼底的好彩既話可能有星鱸幫襯，直接係水面拖可能會有火點/紅油搶手袋式食餌
最後想問下師兄用開幾寸蟲？

邊個 發表於 2013-1-7 04:07
呢啲先係認真專業嘅分享！

十萬個讚同，好過淨係post相，然後復多謝師兄。

多謝師兄發post,學到野!

勁呀師兄!好充實呀!獲益良多!
我都想加人的狗行列!
可否指点小弟一些人門架撑 thanks!

tkmverbt2 發表於 2013-1-7 09:57

                               
登錄/註冊後可看大圖

師兄中環碼頭的多？好似見過你
我覺得jighead 同蟲上網淘會比較化算，我半年前一次過買成百幾粒jighead，計 ...

呢幾日中上環行來行去咁啦!  如果你都在果一帶應該都見過啦，
淘寶睇過D 平既七彩 Jighead 好多時都鉛重鈎太大，係有隻魚仔款扮daiwa 包裝既合用，不過香港有地方都賣得好平...所以無淘過
CHING 淘左百幾粒咩款式?


其實我玩lure 唔太耐...好多野都仲試緊...


夏天的蟲中上環一帶都中過d 外道
火點食水中，烏絲果d 碼頭邊搶，底就中過石鰍...
星鱸未中過...

用開都是細的 grub size 大約4cm 。

mann 發表於 2013-1-7 17:52

                               
登錄/註冊後可看大圖

勁呀師兄!好充實呀!獲益良多!
我都想加人的狗行列!
可否指点小弟一些人門架撑 thanks! ...

竿就自己budget 個人喜好啦，豐儉由人。

不過有幾點我認為可以注意一下

我自己就用緊個C2000 其實容量可以再細d 都夠玩。
REEL 買細D，容量 1000 / 1000S 都夠，因為都係攻近岸邊唔使買咁大，同埋個攪都輕D。

建議魚絲用碳線直出，4-6lbs 都夠架啦
碳線既延伸性比尼龍線低，所有訊號傳遞較清晰。
沉水較快同埋耐磨...(我唔覺耐磨架...可能我用緊cheap 野關係)
不過要注意...我一開始轉用碳絲時，D 絲較硬起圈好勁... 炒過1-2次粉...

謝謝各CHING 花時間睇我發UP 瘋同賞分!

smallsuper 發表於 2013-1-8 03:55

                               
登錄/註冊後可看大圖

呢幾日中上環行來行去咁啦!  如果你都在果一帶應該都見過啦，
淘寶睇過D 平既七彩 Jighead 好多時都鉛重 ...

淘寶主要淘yoshikawa既 3.5g 同2.5g，幾好用，唔會生銹，不過衰在唔似d 日本勾咁可以扯得彎，kick石難救。
你上環個頭有無的到池仔？