手竿釣魚026---螢光九

2月1 日(星期五) 生流尾, 夜晚水漲, 大海又再一次呼喚我.由於好耐冇去過欣澳, 所以今次向西邊出發!

6:30一去到釣場, 就首先同中一位釣魚叔叔吹下水先!
原來佢都係啱啱到左冇耐, 未發市!
吹完, 我就行埋一邊, 開野釣魚!
第一隻蝦落水有耐, 就有魚食, 條魚都好細力仲啄下啄下,
緊係石九啦, 隻蝦都吞唔落, 大極有限.
抽都唔抽佢, 提高d算, 怕左佢, 避左佢地算!
點知, 成晚都係得d石九咬下, d蝦就釣下一隻釣下又一隻.
禁嘅情況唔對路, 所以都係果招, 轉位啦!
轉左幾次, 先知今晚連埋我先得四個人係到釣魚,
奇異的事就開始發生啦!
係我前面的海水水面, 點解會有螢火蟲嘅! 閃下, 閃下.
由於我企嘅位非常黑, 所以係我前面的景象就越來越清楚.
海有小浪時, 你會見到有一條一條的青色長條係水中.
海浪打係石上會有放射形嘅圖案,
d魚仔受驚時, 會見到好似發煙花禁!
你都咪講唔...
睇真d, 原來係(我已為係)螢光藻, 仲成海都係, 想有魚釣都難!
有石九咬下都算好彩!
最後, 有條石九好出力嘅食蝦, 忍唔住, 就釣左佢上黎!
條石九禁抵死, 食左我隻蝦, 好!
dum佢番落海, 早d過年啦!!

( 到底, 我見到果d係唔係螢光藻呢? 係唔係一定冇大魚釣呢? )

師兄，我都係只釣到石九，@.@"

cyorganic 發表於 2013-2-3 22:56

                               
登錄/註冊後可看大圖

師兄，我都係只釣到石九，@.@"

星期五, 你有去夜釣咩?
可唔可以講下係邊個位呀!

我星期六下午去左汀九橋躉果邊玩，2：30 ~ 6：00，15呎手竿，全程盡事石九BB，好似無其他生物，因為隔離師兄都係石九~.~
我都想去欣澚玩下，嘻

cyorganic 發表於 2013-2-5 01:05

                               
登錄/註冊後可看大圖

我星期六下午去左汀九橋躉果邊玩，2：30 ~ 6：00，15呎手竿，全程盡事石九BB，好似無其他生物，因為隔離師 ...

師兄, 可唔可以講下用乜野釣法同魚餌呀!!
研究一下!

汀九好耐有去, 果陣我都未玩手竿, 只係玩過磯竿同筏仔.
唔知宜家點呢?
欣澳, 夏天去好d, 我試過係果到釣夜水,
用生蝦釣腳邊秒斷過, 幾好玩嫁!

我用手竿加青蟲，很簡單。
我下次會入馬灣大排咀碼頭探下頭，師兄你有去過嗎？
我玩開日水，其實，請教下夜水係咪多魚些？

沒太大關係. 有同冇分別實在唔太大. 只係如果打龜既話. 會覺得有野瀨下個心會好過一DD .

多謝師兄，最緊要享受過程，悶悶四圍搵下新釣點都係樂事一件。