南區小物釣....好運與惡運

話說某日睇完波情緒高漲 (國王杯RM踢左BARC 出局)訓唔著，時間又岩流，落行買個早餐去玩下小物。


一去到第一口落水，已經搶住吃，少有的大狗上水。
隨後都食得幾密，以為有D 運仔啦。

換隻硬野玩下硬狗狗...
拋左幾下都有D 野咬，但唔中鈎。
過左一陣子...一時大意，收回來時...魚絲纏住杆先... 一不留神... 咁就奶野...


心情直插谷底.....
之後我決定剪齊左個頭繼續玩...

雖然都有中魚...
但其實支杆俾我既魚訊已經唔係之前果回事了...


係最後有一口反應較強烈，
上水是黃釘一條


支杆呢幾日已拎左去整啦，不過要1個月，好彩都唔貴...
不過呢一個月....心癢癢可能又去買過支平平地玩住先了

隻假餌好過癮!!

多謝分享!!

收穫唔錯 ~
支竿就........

a25533910 發表於 1/3/2013 14:45

                               
登錄/註冊後可看大圖

隻假餌好過癮!!

但我未用佢中過魚....

smallsuper 發表於 2/3/2013 01:16

                               
登錄/註冊後可看大圖

但我未用佢中過魚....

祝希望中到la!!

Ching 個隻Minimanu得食嗎？

derek20058 發表於 2/3/2013 10:09

                               
登錄/註冊後可看大圖

Ching 個隻Minimanu得食嗎？

感覺麻麻地... 落水係比Jighead 沉得慢，可在戰區的時間較長，但無咩擺動既動作。
可能我未識點操作佢... 未中到野，支竿已經....

敢問師兄軟蟲操控技巧應該如何?
我用緊支2.1m UL竿 搭0.8號pe 直出 連隻蟲到唔到底都難以感覺到
平時就用主線接三腳擰圈 長子線落中通鉛 短子線jig head 同蟲 cast 出去 慢慢收回

norai 發表於 2/3/2013 23:46

                               
登錄/註冊後可看大圖

敢問師兄軟蟲操控技巧應該如何?
我用緊支2.1m UL竿 搭0.8號pe 直出 連隻蟲到唔到底都難以感覺到
平時就用主 ...

我用1號碳絲直出，直接綁落快扣or Jighead上。
用碳絲直出只係因為唔想綁子線同埋訊號傳遞比尼龍線好。
我相信個釣組越簡單魚既越介心越細。

feel 唔到到底既問題呢...我諗要睇返你支竿支援既lure 重量，feel 唔到的話用重少少囉。
不過用太重既jighead 都有個問題...沉得太快既野 D 魚應該有介心，未必會咬。
所以應該取得個平衡，去到條魚會攻擊既位而又引到佢咬既。

以前我都會用中通鉛，宜家無用了，全用Jighead 0.5g/1g/1.5g/2g/3g ，
通常先用 1.5g jighead 試，再睇情況換唔同重量既jighead。
去到想要既位，又可在果個位慢慢沉為佳。

我通常cast 出去，等佢沉到底抽起d 慢慢收回，收一段等佢再沉，之後又慢慢回收。
好多時魚都是在膠蟲下沉既時間作出攻擊的，所以cast 完就要開始注意魚訊。