各位

各位,
網站人流越來越多了,要處理嘅工作亦越來越多,
我好明白各位,都係有工作,有家庭,有自己的生活,
不過小弟到左呢一刻真係好累.....
好需要手足們投入多D時間幫幫手,
我亦有打算重整一吓網站版區,
未來日子亦想計劃一吓活動或賽事,
好多事情係有賴大家幫手推動....
我知道各位都係有心人,
有D釣法專版亦推動得唔錯,取得不錯成績....
不過平衡去發展各個釣法先係我心願,
我打算重整吓版主職位及搵多幾位幫手,
未來日子,如各位係可以安排到時間處理吓版務,
分擔吓小弟工作,我絕對歡迎各位幫手,
或請提供分擔版務之建議,
我會於10月15號,重整各版的版主之位!!
我當然知道有好幾位手足事忙,有段長時間都未能上網處理版務,
但若半個月時間通知,我深信都足夠!!
手足們,請抽D時間諗諗.....
希望會留任嘅手足,幫幫手,
可以冷靜,公平公正去推動香港釣魚活動!!
睇到帖的請留個言吧!!
感謝各位!!

我亦好希望各位手足,可抽時間出來一聚,
如願意出席,請回帖時註明方便時間!!

如果爆叔覺得我哩個老頑童可以留任, 我會好樂意繼續留守崗位。有聚會一定到。

我既諗法同Ungle一樣.....有飯局就叫我啦

我自問時間不足﹐如需要定時舉辦有關活動﹐真是有點難﹐久吾久既都可能抽到時間﹐如果就版上解答推廣﹐都還可以﹐如果爆叔應為我仍然識合﹐我願意留任

推廣飛釣資源我算是有一點﹐但很抱歉已我現在的毛利﹐很難在此合作﹐如毛利提高又不能做成推廣意義﹐真係吾好意思

本人有幸擔任DIY版主一職，
如有需要本人，
將繼續履行版務！

克盡己任!  鞠躬盡瘁!  盡幫啦!

非常樂意留守崗位,有咩安排,有咩要幫手,爆叔盡管開聲吧,支持你!!


                                                                    飄飄然!!

爆叔~
老松果邊DIY區多得TEN69老兄幫手，我先可以係其他版區攪攪震，好坦白講句，自己由於工作同家庭，有時都未必取得到平衡，不過點都好喇~
你開句聲~我能力上做得到，一定會幫手嘅!!

皇上....近排既風風雨雨我覺得先撩者賤....學你話齋最後得啖笑....個網係公開嘅....咩人都有發言權....每人都有自己一套睇法同角度....啱傾既自然會埋堆變成一個小圈子分黨分派....唔啱傾或者睇法唔同睇你唔順眼襯機會有位就入....變成今日一小嘈....後日一大嘈....大後日玩圍插....我相信日後都會有機會再發生....釣魚佬就係咁....阿A中到大條....阿B中到幾條...阿C斷咗幾條....阿B話阿C乜你只得斷咋....阿A話阿B一條以大過你啦....阿C話斷果條好差大架....阿A阿B話阿C死咗個仔緊係乖仔斷咗果條魚一定係大魚............
皇上個網既(火花)你避得一時唔避得一世....亦無必要去避....因為個網係你既....上得黎玩....就係我哋要去就你.....張火花變為煙花....吸引到人覺得好睇好玩....
令外....皇上你真係要學吓放鬆.....一間公司無可能得你一個一腳踢....你試吓揾個人幫你做管理....直接under你....或者你之後會有另一種感受......
皇上....你覺得我幫到你手既....我樂意做磯釣版版主....

能讓我成為一個EGING版看更,是我的榮幸