手竿釣魚031---願望達成, 一炸求新

上回講到, 係大埔魚場淋左成個鍾頭雨之後, 終於好天,
又黎到4點9, 到底汁野走人好丫, 定釣多一陣好呢?
答案緊係釣多一陣先走啦! 結果就出事.

由於釣開個位再釣都係冇魚, 一於走去先前個大魚位, 玩多一鋪.
開頭用死魚仔, 一食埋黎就拉竿走人, 仲大大條添.
上午已玩晒d死魚, 所以轉用死蝦,
今次口餌一落水冇耐又係有魚食餌, 不過就冇拉竿,
仲食得好細力下, 抽左三次都甩左, 第四次就抽到,
臨拉到上水見到原來係花細倫, 個頭一出水, 就甩左.
唔知點解, d細魚食得好精, 妹妹下, 好難抽得中
大魚一食埋黎就會掉頭走番入棚底, 好驚會斷.
所以真係好緊張, 第五口餌可能就係禁拋過左少少,
離開左個棚底邊, 去左魚籠旁邊, 禁就出事啦!
又係比條4k到嘅星鱸接住, 因為釣左先前果條星星,
隻手都開始有倦, 今次條星星仲大力過之前果條.
比佢向左邊籠底沖左兩次, 兩次都比我拉番轉頭,
跟住又向右邊嘅打水機果邊沖, 果邊水面有條電纜,
我諗住唔可以比佢過嘅, 不過佢真係好大力, 真係睇住佢過左三四尺,
再過就斷絲嫁啦! 係腦海中出現會炸竿嘅畫面.
果到真係好惡釣, 因為個棚仔同條纜嘅距離都唔夠廿尺, 冇位比你走!
所以唔埋禁多, 死就死啦! 點都要拉佢番轉頭!
條魚真係比我拉到轉頭, 就係最後一下支竿就接埋左,
睇到個竿頭唔係指向天, 而係指向地下!!
唔知好彩定唔好彩, 係果刻好鎮靜, 見到支竿冇斷開,
立即用手拉番支頭芯同主絲, 就禁拉條魚上水.
可惜, 我支手竿就禁比我拉斷左.
之後攞番以前用開的15尺再玩多一陣, 就汁野走人!

其實至從玩手竿開始都有心理嘅準備,
幾時會遇到大怪獸炸竿呢?
估唔到係今日, 為左條魚仔比我拉斷支竿啫!
都好禁就有機會買個支新竿!
唔係點叫做"一炸求新"呀!!

師兄：舊的不去，新的不來，祝師兄日日爆釣。

cyorganic 發表於 6/4/2013 23:41

                               
登錄/註冊後可看大圖

師兄：舊的不去，新的不來，祝師兄日日爆釣。

多謝!!
尋日去左配番支竿, 依家等緊電話!
不過都會再買個支粗d長d嘅!

FELIX009 發表於 6/4/2013 23:44

                               
登錄/註冊後可看大圖

多謝!!
尋日去左配番支竿, 依家等緊電話!
不過都會再買個支粗d長d嘅!

C Hing, 玩前打啦.

玩前打可以拎我支G4 53/63try try,反正我一排冇得玩

336338 發表於 7/4/2013 16:20

                               
登錄/註冊後可看大圖

C Hing, 玩前打啦.

玩前打, 即係手竿加隻攪, 遇到大魚有絲可出.
禁我咪可以棋行天下!
講下笑啫!
再炸嘅話可能會諗諗!

vkei 發表於 7/4/2013 16:26

                               
登錄/註冊後可看大圖

玩前打可以拎我支G4 53/63try try,反正我一排冇得玩

炸左我冇錢培呀!!

仲未忙完呀!

尾聲啦,不過之後卜左25號做激光...激完都係少活動多休息

vkei 發表於 7/4/2013 16:55

                               
登錄/註冊後可看大圖

尾聲啦,不過之後卜左25號做激光...激完都係少活動多休息

乜你有近視嘅咩?
我老花真係唔多覺你有!!

激光可以清老花 <<整完好似佢咁