近日發生左件令我好ng開心的事. 我架車時係土瓜環某處撞死左人地隻狗仔....
當日我和我朋友兩架車一前一後係土瓜環路過某行人路島, 當時係綠燈. 當我開到行人島位置, 係無法有反應的短距離, 突然有一啡色物體閃過, 之後便是 'bup' 一聲. 啡色gae 物體? ng 通係比風吹出gae紙皮?但撞到紙皮無甘實gar wor d 聲. 見後面冇車, 立刻收油, 再看倒後鏡有人圍起來. 心知不妙.. 立即停車行回去睇下乜事.
去到個到, 見到一個中年婦抱住一隻松鼠狗, 地上有一 tarn 血, 隻狗個口流緊血..見到甘, 已知乜事,,, 我同佢講 我係司機, 隻狗仔剛才係我撞到. 好對ng住... 個主人第一句就話ng關我事, 係佢無帶狗帶,隻狗衝出馬路,,, 話錯不在我叫我可以走.
責任係誰都好, 又點忍心就甘走丫...
我過到佢隻狗仔重有呼吸, 雖然佢對抱住佢gae 主人的叫聲已無反應.我 只問個主人同街坊最近gae 寵物醫院係邊, 同問個主人我車佢地去好ng好.雖然 明知傷得好重, 但點都想try 下睇下有冇奇蹟..但係佢主人未決定到, 好快見隻狗仔個頭向側垂, 我知佢應已走左... 個時好難過... 只係不停甘道歉... 雖然道歉係一d用都無,,,
d 街坊都好好, 同我講話當時佢地行人路燈係紅色, 係隻狗仔突然衝出去先會比我撞到. 真係ng關我事去安慰我... 但見到隻狗死左, 同主人傷心的樣, 責任係誰都ng重要, 安慰gae說話亦ng會令任何人好過...
最後狗主都係同意比我車佢去SPCA. 我先上車想把我隻狗放係朋友架車比我男友帶走, 免得那狗主觸境生情. 佢的死左, 我的卻好好的... 但條街ng長, 佢都係睇到....
車上氣氛好怪... 隻狗重流血. 車內有好濃gae血腥味... 死亡的氣味感覺, 比係賓儀舘重要真實... 由红磡去何文田SPCA, 好似走左好遠... 其間佢問有關我隻狗的事, 亦講起佢d狗仔. 去到SPCA, 醫務室已關. 好左門口有3名工作人員, 帶我地入去check 下隻狗, 去到一摸, 已知 隻狗仔已死去.
佢主人決定把屍體交由SPCA 處理... 我等佢做好手繼, 送佢回土瓜環.
on the way, 佢同我講隻狗仔平日好聽話, 過去6, 7 年日日都係甘不用狗帶拖, 都ng 知點解今日甘. 佢話我架車只係剛剛刷到佢個頭, 如隻狗仔衝慢少少都無事... 剛剛好地地重行得好開心甘行, 重有2, 3條街就到屋企點知會出意外....但佢成13歲, 好多病痛, 就算今日無事, d 醫生都估佢過ng到今個冬天.....'講講下, 已回到剛才意外的地方.. 只到再道最後一次歉, 佢就落車. 大家都無問對方gae 名, 亦無 問對方gae Tel. 反正再見亦ng知說什麼... 佢同我講的係真定係安慰我我ng 知, 只知佢會好難過, 我亦會一樣....個日係中秋之後那晚上......希望佢可以快d 忘記這件傷心事.. 如果有來生, 希望我有機會照顧返那小狗,,,,
希望有寵物的各位睇完我分享會更小心照顧自己的寵物. 佢地再叻再聽話也是動物. 有3/4歲小朋友的智力. 如果你ng會比3/4歲小朋友係街自己玩, 就ng好比自已的寵物無帶狗帶出街. 以前我都會見行兩步條路又ng 多車會由隻狗自己行, 但依家ng 會lu. 意外就係意外...真係ng 知幾時. 到時才問點解同後悔就太遲....對寵物如此, 我地日常生活, 釣魚亦是一樣, 希望大家小心d, 平平安安 la
[ 本帖最後由 sunhee 於 2008-9-29 18:26 編輯 ] |
提升卡
置頂卡
沉默卡
喧囂卡
變色卡
千斤頂
顯身卡
