刀鋒冷熱情未冷...第二屆賽事花絮

計劃及安排左成個月嘅小比賽...
點解天氣總係咁令人擔心嘅呢??
唔理咁多...做左獎牌至算

本來計劃早上比賽,
但係睇到天文台話早段時間會有雷有雨,
迫住將活動改左中午,
攪到有釣友因時間問題參與唔到,
實在抱歉...
但係今朝早一睇個天,
真係俾佢吹Q漲,
點解依家天文台咁水皮,
半日嘅天氣都預測唔到!!

咁都唔好理咁多...上車出發,
點解車上有位姐姐全程都好似含住泡水咁樣嘅??
唔通一陣會落雨??唔好喇掛!!
好在比賽期間都無落雨,
要感謝天公幫忙!!

今日實在好難釣,天氣突然轉涼,
昨日又落過大雨,今日又鬼咁大風,
目標魚因落雨關係食得好飽,活性偏低,
今次比賽係玩20條快閃,
但睇咁嘅情況,相信比較難,
成場比賽大家都好努力,
大家都不斷摸索合適嘅對應速度及泳層,
好多謝咁多位選手嘅堅持,
雖然係玩泥沙小比賽,
亦體現到寶貴體育精神!!

今屆比賽,由YuYu以12條勝出,睇佢咁努力比賽,
贏出係實至名歸...恭喜恭喜!!

今日比賽完,我地有幾個人繼續釣,
但係天氣由涼轉凍又落雨,俾D風吹到頭都痛,
鬼叫大家爛釣
一路釣到晚上九點至收皮,
唔打個邊爐真係唔掂呀

恭喜 yuyu 又攞獎牌 〜 利害

恭喜 yuyu 師兄!

真的技不如人....
其代六月之比賽!!

琴日重傷好彩冇乜事...

恭喜晒...

smile^_^ 發表於 2/5/2013 17:31
琴日重傷好彩冇乜事...

你老豆有乜反應？

naobao 發表於 2/5/2013 18:22

                               
登錄/註冊後可看大圖

你老豆有乜反應？

叫我下次小心d

smile^_^ 發表於 2/5/2013 18:24
叫我下次小心d

咁容易放過你，應該買定個安全帽會安全D！XD

多謝分享!!