i have a dream:釣魚與攝影

從前修讀攝影課程，一心係攝影界打出成績，可惜因為種種原因未能入行，亦由於我鐘意釣魚，所以都有考慮過搵釣魚雜誌見工，不過諗深一層以現時本港既釣魚雜誌程度又點會有專門既攝影師紀錄釣行，就算俾我做到我都係手痕釣魚多過影相，所以我又萌生左一樣念頭，相信大家係屋企冇魚釣既時候都會上網睇下片，但係睇親既唔係日本就外國，加上冇字幕真係睇完都冇乜用，香港地咁多釣手，點解就冇人去拍下本地既釣魚片？香港又唔係冇魚釣？（相比外地係少啲，但未去到冇囉）想當年打神係數碼年代未普及既時候都拍左隻前打教學片（小弟都有買，獲益良多），今時今日個個都有智能手機，拍片已經唔係一件難事，近年假餌同餌木釣法盛行，又會唔會有人走出黎拍下教學片呢？我都有計劃過自己一個去完成呢件事，但小弟對於釣魚知識真係唔多，加上自拍自釣真係難上加難……


i have a dream.....希望有生之年會睇到本地自己人製作既釣魚節目

咁下次你去釣魚果時, 影多D片, 加插一些香港釣點環境及風景, 重可以介紹釣組, SET定個架自拍

BillyCKY 發表於 23/5/2013 12:37
咁下次你去釣魚果時, 影多D片, 加插一些香港釣點環境及風景, 重可以介紹釣組, SET定個架自拍 ...

billy哥，你唔係未同過我釣魚，我釣親魚都重裝上陣，帶埋腳架單反我怕行都行唔到，加上釣魚要行黎行去，一個人好難做

支持下你, 如果我同你去釣魚, 幫你拎下腳架...., 就當支持你既夢想.

BillyCKY 發表於 23/5/2013 13:04
支持下你, 如果我同你去釣魚, 幫你拎下腳架...., 就當支持你既夢想.

咁不如我揸機你做介紹啦……我淨係識拖鱸fit魷同的狗，如果係做都要等幾個月後

啫神,
拍片呢家野,我早就想攪,
早年除左打神隻前打碟之外,
仲有其他本地製作出過,我全部都有買黎睇,
不過要賣錢嘅話,我覺得喺香港都幾難...
其實喺呢一兩年,我都打算將釣魚資訊分多方面發展,
短片係其中一項,主力係拍一D攻略教學嘅片,
始終文字相片係好難生動表達,
至於釣行嘅就免喇...唔會拍...成本效益問題,無商業背景支持,係無得攪...

本土制作唔係冇丫....彭建新就出過釣魚碟啦,E+係羅湖某釣具店成日播添!
而本地製作要付出很多才拍得出效益,如果只著重釣果而不是釣魚人需要學的釣品釣技的話,更需要考慮是否值得購買.
不過對於我呢D明知日本侵華,都要死死地買日本貨崇日既人來講,上網睇架仔HIT DOU算......

naobao 發表於 23/5/2013 13:33

                               
登錄/註冊後可看大圖

啫神,
拍片呢家野,我早就想攪,
早年除左打神隻前打碟之外,

爆叔, 主攻既話, 好似每次你攪既比賽都有人話唔識玩, 又有興趣.
咁就可以先影下各種手法及對應一般釣場
如: 淡水用SPOON手法
如: 簡易的狗手法
等等...
其實現時上網亦有好多片可以睇到, 但由香港人影番香港釣點係會親切好多.
如果由你做主持應該 點激人次會高過沈生果D

BillyCKY 發表於 23/5/2013 14:47

                               
登錄/註冊後可看大圖

爆叔, 主攻既話, 好似每次你攪既比賽都有人話唔識玩, 又有興趣.
咁就可以先影下各種手法及對應一般釣場
...

會打算先拍d台釣教學片

naobao 發表於 23/5/2013 13:33
啫神,
拍片呢家野,我早就想攪,
早年除左打神隻前打碟之外,

香港地做咩都好似要同利益掛鉤，其實我目的都係主要教學，場地攻略，釣點介紹之類，魚穫有冇都唔緊要，最重要都係推廣釣魚同支持保育