本帖最後由 xuckingwing 於 31/5/2013 03:57 編輯
到底好唔好去分享關於我對嘉頓這個釣點的一些理解及經驗,我考慮左一斷時間,並接到一些網友的詢問.考慮到自己在呢十多年想去追尋的目標,當看見別人釣上魚時,自己都會想去攞好多資料,好想釣番次去了心願.當然我都龜左無限次.也怕說完了如果網友們去到釣唔到會話我比流料,甚至我都覺得最近呢兩次去係好幸運,碰啱D魚埋左,生口魚,食餌猛,好釣.所以我今日向大家分享的只是個人經驗,比大家參考吓,希望幫到大家.推動吓這股熱. 如果有咩說錯請別在意,我釣上來的也不算什麼大SIZE.有更大的也希望將來會遇見.
我在2000年開始會去嘉頓釣紅鮋,但頭十年都係釣唔到,間唔中有油錐.(當時還是用大手牌,未用魚竿)
起因是在一間釣具店看見老闆正在做釣組,(傳統手繩派)我就好奇問他:咁大隻鉤去釣咩? 佢見我咁好奇就話我知去釣紅鮋,並講給我知去那裡釣,這就是我底物釣的開始
因我唔係大力仔拋得唔遠,所以就買左支竿,是用到現在的TICA 80-150船,(點解要介紹佢係因為用得耐有感情lo ).(咁長氣都係入正題).
我會去考慮的因素以下的因素都只是嘉頓那地方及釣紅鮋.
1)幾時先去釣?所謂4至5月,即是4月定5月?
農曆4月即大約新曆5月,天口暖定開始(即好似之前天氣時凍時熱好多季侯風之後).
2)咩時間去釣?
每年都是這樣選中漲潮,潮汐每天延後約45分鐘.
因為大漲潮都是在日間,只好選中漲.如果時間緊一點可選漲定前後兩小時,因為在嘉頓漲緊水中途係飛機流,無得釣.如果過左時間死等都無用,(試過好多次).另外初3,18就唔使去,因為d流快過火箭.所以我之前去兩次都咁夜.我記得有位師兄問過釣紅鮋唔通真係要釣超夜水?唔一定,都係睇流水啫,不過條魚唔知你幾時會去釣佢,只係你知道佢幾時可能開口啫.
3)釣邊個位?
其實我知道由天然石一路向碧堤半島都有人中過,所以好難講.但我自己通常會去向橋那邊石駁中間位,(2)
如果去過的人可能知道,嘉頓的流水好亂,但我發覺的是每當差不多漲定或開始起流時會出現一條流界.由天然石一路延伸到駁尾.不緩不急,但條流界會時出D時入D,(我還在掌握中).能拋入流界最好.因為水流會將你的釣組送到流界邊緣.而圖(1)號位對出係會形成一個旋渦,當流大時那裡比較好釣.
我也曾在那裡上了我在嘉頓的第一條紅鮋.也是在那裡十年來第一條似樣的魚,同一個星期在2號位中多一條班.(1)號位相反流唔大那裡就變死水.睇情況吧.(另外一個重點係去石駁釣記得帶蛟怕水)
4)怎樣的釣組?
這就是我用的釣組,80磅尼龍線,40磅鋼線,0/3鉤,我唔用粗鉤係因為幼鉤鉤魚無咁易爛,中魚入扣比較容易,因為唔係真係釣石鯛魚,紅鮋唔係鸚鵡咀,我也未試過拉直或斷鉤.用唔用天平無所謂,只是那裡易掛底,無咁多錢買天平. 不過我個人認為嘉頓流大,釣組越簡單越好.
5)用咩餌?
活魚仔最好,大約3-4吋長,如果無活餌都要買比較新鮮的.池仔,鱭魚無所謂.
開初我係一條鉤落去,但經常鉤頭咬尾鉤尾咬頭,可以用雙鉤,但可能唔自然咬口少左.
之後我切頭切尾迫佢咬中間,點之又得左.
我來緊考試都未溫書但都為左打呢編野攪到咁夜,
又因為考試暫時都唔可能去住,所以希望大家玩得開心D.
我已經將我所知的全盤托出,希望幫到大家.
希望大家去到要保護釣場,唔好留低垃圾,(特別係D死魚餌)
因為呢兩年多了好多小強.
我去到如果好快上到一條都會立即走,唔會趕盡殺絕.
(返到屋企條魚都仲未死)
多謝大家唔覺得我長氣 釣到記住報番料比我知.
|
提升卡
置頂卡
沉默卡
喧囂卡
變色卡
千斤頂
顯身卡
現今以經好少人會好似你咁冇私詳盡地分享！
樓主