關於"名人會長盃邀請賽"可行性討論

暫時唔好太高難度,如果先攪香港會否易於集合先呢..

磯釣聯盟現有

ISO TEAM 釣魚會
狂人釣魚會
浪人釣魚會
貓頭鷹磯釣會
水上人釣魚會
SUN磯釣魚會
東磯釣魚會
海之峰釣魚會
海聯釣魚會
友磯釣魚會
十友釣魚會
海浪釣魚會
辣椒會
磯釣聯人釣魚會 在內


但真正要數磯釣魚會真係有一定難度,不如咁啦!大家可以寫出大家知道而又可聯絡上既香港釣會名,先作一個統計會唔會好d呢...

另外,如果將名人及會長分兩個組別可行嗎???

名人唔等於會長,會長唔等於名人‧.... 名人即係內定人名單,會長就可能係你我都唔識既人， 一會長拖3人作賽變成隊際會唔會好d？ 會長及副會長無時間玩,係未等於冇資格玩？好似有d問題喎...... 一係玩名人賽又或者只有會長賽一打一仲過癮

支持一下,,,,多多举行

名人定議好有難度. 名人定議係乜? 叻?出名?見報高?? 誰有資格去定誰是名人?  名ng名人定議一搞得ng好好易搞出事.

其實我覺得魚樂網想有此比賽目的一定要先定位. 係想以比賽定誰是ISO界一哥或誰是一哥會?一話一班人一班會開開心心玩下見下交流下?

我個人會較support 一班會開開心心玩下見下交流下. 所以support以釣會出數人一隊比賽及 不設個人獎項.   甘做無話一個人 榮譽而係全以團隊精神為重. 如比賽釣會出隊較易處理. 主要由會會長/副會長帶隊 + 2會員 ( 3 人上一礁比4人上一礁易找位). 如會長/副會長有事不能出席. 可申請由該會其他會員代作帶隊. 另可留幾組比一些不是任何會的會員的人自由組隊. 收費方面如釣會隊不用出船費, 自由組隊就要收船費成本.

先把比賽地分3區. 上礁時由3個不同會的人一起上一礁. 每會都有人在不同區的釣點.   甘亦會公平D.

原帖由 東磯寶鑑 於 2007-5-3 09:30 發表
名人唔等於會長,會長唔等於名人‧.... 名人即係內定人名單,會長就可能係你我都唔識既人， 一會長拖3人作賽變成隊際會唔會好d？ 會長及副會長無時間玩,係未等於冇資格玩？好似有d問題喎...... 一係玩名 ...

我覺得承承說得對.名人即系內定..就不如不用名人这字眼.因這字眼可能会有負作用得失或得罪人..這是我以往所办的經驗.不如就用港.澳.陸..邀請賽好了,贊助也昜攪.至於大陸釣友的参與.场地釣點是個問題...必須配合大陸釣友能到的地方.
如攪某某杯賽.我覺得難度又高一點..因首要得某某牌子的經商同意贊助.
大陸和澳門方面如我会決定加入邀請行列..這方面的工作我可出全力.
游說贊助商如kIZAKURA我可出一分力.
竹林釣具.澳門新世紀釣具我都可游說贊助.

原帖由 sunhee 於 2007-5-3 13:07 發表
名人定議好有難度. 名人定議係乜? 叻?出名?見報高?? 誰有資格去定誰是名人?  名ng名人定議一搞得ng好好易搞出事.

其實我覺得魚樂網想有此比賽目的一定要先定位. 係想以比賽定誰是ISO界一哥或誰是一哥會?一話一班人 ...

讚成sunhee 講的!!
搞一次名人賽,倒不如搞一次香港釣會賽先,作為香港本土釣魚交流的機會,又可提高本網在港知名度!!
繼而先諗往後的事會好D!始終在大家未有實質經驗去搞一次大型邀請係會好困難,搞一次本土釣賽會好D,兼吸取經驗!!
有講錯唔好打頭!!

會賽制係可行的,例:香港魚樂網邀請賽等，咁鐘意請邊個就邊個,咁就唔會得失人，反之舉行公開賽有外來唔識的釣隊參與就較為困難，魚樂網雖然高手多,但是非同樣多,要玩到大型賽還需要累積經驗才可，所以首次可以試下最傳統最簡單的賽例，就是冠亞季就可以了,亦可加多個大魚獎又或團體獎等，有贊助者的亦可另加獎項等........至於如想邀請澳門的釣隊前來參與，相信黃魚兄總有方法的，而台灣方面同樣可靠本網的人仕去邀請，至於sunhe提及的一釣位由不同釣隊參與，我是認同的，交流賽本身意義亦是如此，當年我曾參與伶仃海釣公開賽，都是與不認識的釣友共同作釣，在釣位中大家都彼此認識，是一件開心的事，反之當年本港的公開賽只是隊隊之間的爭名奪利，那就要先看比賽的本身意義了，魚樂網的前輩多，曾搞個比賽的人大有人在，所以有心搞係冇難度，問題係比賽的方針是點？當然我提議的只是小小的見解

總之100% 支持攪! 要做野出聲!! 我做到一定出力

不如等我講下當日同gary吹水果陣,點解叫名人會長盃,個意義又係咩,等大家先了解一下個background.
1. 其實最初只係叫會長盃,只係邀請又或者只接受釣魚會(不只限磯釣)既會長及副會長參賽.所以就名正言順咁叫"會長盃".
2. 會長及副會長一般都係釣魚會內較有經驗及釣技既釣友(東磯寶鑑兄就係一個活生生例子),咁就會係一個高水平及技術性既賽事.
3. 有一種皇者之戰感覺外,仲有一種號召天下各大門派華山論劍feel.會長中既會長,排頭唔細,相當有吸引力.
4. 除此之外,最重要係可以一時間就將"香港魚樂網"全面推廣及滲透入釣魚界與及增加一個中立認受性.因為會長出賽,相信會內所有會員都會注視.
5. 亦因為可以將"香港魚樂網"推廣及滲透入釣魚界及一個幾特別綽頭既賽事,相信對"香港魚樂網"將來去找贊助,搵廣告,接洽政府機構推廣釣魚活動等,有極大幫助.
****
致於點解又加埋"名人",我睇完大家既留言,都相當覺得好難定義,所以都係唔講background啦.因為都係唔好加名人.哈哈.
多多指教.

哩個係啱啱諗既:
1. 再係網度做埋個廣告banner俾佢地,逐個參賽會長/副會長及其釣會介紹,.
2. 整個我最喜愛的會長及副會長選舉.投中者有獎抽.
3. 再攪個會員抽獎,中獎會員免費參賽.(版主都有份抽,哈哈)
到時個網仲唔爆...爆叔個爆呀..哈哈