釣魚果陣有遇過驚險野??

其實所謂"驚險野"意思係指一D不當操控釣具方式,
希望大家講吓,可以提醒部份朋友喇,
一D小舉動,對人可以產生好大傷害!!!

我自己釣魚果陣就試過,旁邊位大哥中地球,
佢就不理三七廿一係咁拉,
突然間粒鉛fit一聲飛返黎,
就喺我耳邊過,真係嚇Q死

另一次同個朋友去某碼頭釣魚,
果次好熱鬧又人又狗,
個朋友喺地下整理緊魚勾,
突然間有隻衰狗跑過,
我朋友條魚絲就咁俾佢拉到....
結果大家都應該諗到,真慘

你就無心之失,人地就慘......

上年係SUNNY BAY釣魚 收到埋腳邊個鉤KICK住左D石
係咁E彈兩彈支竿....個鉤回彈返黎...成個鉤直插手指....
最慘係...倒鉤都入埋去...攪左好耐都整唔返出黎~
果陣唔覺痛...係痺痺地架姐...我拉條魚絲抵起D皮...都係痺痺地...又冇流血
果陣我諗中魚果陣D魚都應該唔會好痛架姐
不過個鉤此終都係要拎出黎....當我幫自己隻手解鉤果陣
解到個人都抆...出晒汗..當時正值夏天...
個人一躁...拎住個鉤順勢格硬扯佢出黎...
就好似撕膠布咁既速度.....
估唔到既係.....我聽到"卜"左一聲....
我嚇一嚇....我望下隻手...冇咩事
不過我見佢開始流血...用紙巾抹下就冇咩事~~
D FD相都影埋~監於唔係咁好睇~廢事POST啦~

有一次係烏溪沙碼頭釣魚，有一個小朋友於黃昏釣魚時，可能心急拋絲，拋的方法又唔正確，結果鉤到手掌，個細路係就冇喊呀，但佢家人就好擔心，之後就應該帶左去睇醫生。
另一次係錦泰對出落入緊，又個爸爸帶住一子一女來釣魚，開頭釣得好地地，但突然間，個細路女勁喊，原來個魚鉤鉤到隻眼，係隻眼呀，個細路女用雙手掩埋隻眼，不停喊，原因係個細路仔唔知拋絲定收絲唔好，一野就飛中左，結果個阿爸就手排魚籠乜都唔要，抱住個女去睇醫生。

鉤眼........

我朋友冇船牌但又買左隻艇仔黎玩,
有日開艇去釣魚未離(波)就落錨,
點知比條錨繩扣住隻腳連人帶錨一齊落海,
佢諗住死硬架好在吉人天相岩岩有隻艇車過
見到救左佢咋唔係就....

我試過同朋友一齊上魚排時係隻船度一齊起身諗住上排,點知我朋友用力一撐上排,隻艇比佢撐後飛出去,我两隻手都攞住晒d嘢,冇得做平衡,個人立即向前扒,啱啱個肩頭以上跌落魚排,對腳重係隻艇上,好似人肉撟噉,嚇到排主嗱嗱聱攬實排邊唔比隻艇漂出去,我就慘啦,頭啦,肩膀啦,腳啦全部傷晒,睇跌打睇咗足足半年..............唉,重攪到我朋友自究到依家,真係...........

                               
登錄/註冊後可看大圖

石泊中鱸,捉住條鱸上行人路個時!!!!!
條鱸一跳....

原帖由 leo123 於 2007-5-3 11:02 發表


石泊中鱸,捉住條鱸上行人路個時!!!!!
條鱸一跳....

痛ng痛ah?

原帖由 sunhee 於 2007-5-3 11:25 發表

痛ng痛ah?

好hi~~又痺又痛....

重要係lure第一隻鉤 鉤住隻手!!!!


第二隻鉤 鉤住條魚!!!!條魚重會跳黎跳去!!!!