始終還是蟹哥好

自從上次蟹仔打芝麻之後, 打左2轉蟹仔無料到, 就轉返用大砂蝦,
結果打5-6次, 使2-3百, 魚毛都起唔到一條, 唯有休戰.

唔覺唔覺呌左幾近1個月, 立秋在即,
再唔釣, 唔通又要"釣魚在明年, 明年復等明年"?!

由於龜到都無哂期望, 週日見天氣難得有晴天,
唔釣魚都要去海邊吹吹風, 吸收吓太陽光.

所以餌都懶得買, 直接到釣點, 捉左十零廿仔蟹仔, 就開始行動.

6點開竿, 雖然係死流尾, 但係死流日子都有急流時.
用粒B鉛, 雖然可到底, 但就跟流急走, 半分鐘橫行40尺,
就到左直駁盡頭, 又要起錨, 再由頭放過.

就係呢個單一的動作, 重覆又重覆, 由6點行到8點半,
全程係一口餌都無被碰過, 個人同洩哂氣的皮球無分別--謝哂.

於是立定決心落最後一口餌就收皮,
由於剩返啲蟹仔比較細隻, 所以用3隻串埋作一口餌.

就係絕望啲時候, 口餌有少少動靜, 初頭覺得有7成機會似係大蟹偷餌,
後來又9成有似係油追(小弟第一次打魚就係起條油追仔), 沉沉地,
有舊野咬住口餌唔放, 咁我就收緊條絲, 感受吓敵情, 呢個時候佢會扯口餌,
但係只在1寸的範圍內波動, 如是者試左4-5次,
我諗呢個時候條油追應該入哂扣了, 就黎一野人仰馬翻式抽竿.

真係有舊野扯左離底, 感覺到可以排除大蟹的可能性了.

9成9似係油追, 因為完全無走水, 又無搖頭擺尾,
只有時重時輕, 咁係因為條油追有時直身就無物水阻力,
有時扭成一團就有大啲水阻力.

上水之前, 有沉過一兩吓, 但係波幅好微細.

升左上水面, 重唔係油追? 直頭係一團黑灰相間的東西.

再睇真啲, 點解會有個魚的輪廓, 咿, 呢條係魚黎播.


真係估佢唔到! 又無食餌的動作, 又無走水的情況, 上水前無明顯郁動,
放係地上研究吓, 原來係入哂扣, 隻鈎直情過哂喉嚨, 看不到影踪.
放條魚落海養, 但係全程反肚, 只有輕微郁動.

管它放生唔放生, 起到魚就無傷心.
原本一心埋齋, 就算係拉隻蟹上黎都開心,

更何況一心以為係條斤頭油追, 巳經係好大成就了.

最終竟然係條魚, 那一刻感到完全滿足了.

又係沙巴躉！
恭喜！
師兄，係邊頭釣到呀？

勁，好魚好報告，

FELIX009 發表於 5/8/2013 12:52

                               
登錄/註冊後可看大圖

又係沙巴躉！
恭喜！
師兄，係邊頭釣到呀？

師兄, 係小弟主場啊.

FELIX009 發表於 5/8/2013 12:52

                               
登錄/註冊後可看大圖

又係沙巴躉！
恭喜！
師兄，係邊頭釣到呀？

師兄, 係小弟主場啊.

336338 發表於 5/8/2013 13:02

                               
登錄/註冊後可看大圖

勁，好魚好報告，

都唔知係好事定係壞事,
本來諗住昨天都打龜,
就要呌返1零月休戰,
而家又要開始操勞了.

唔通我下次都要轉蟹仔~~~~~

勁喎，呢排好多呢D魚打下

all-kind 發表於 5/8/2013 13:05
都唔知係好事定係壞事,
本來諗住昨天都打龜,
就要呌返1零月休戰,

一定係好事，d魚就大wok了！

lajan 發表於 5/8/2013 13:08

                               
登錄/註冊後可看大圖

唔通我下次都要轉蟹仔~~~~~

啱哂師兄你啦, 你專釣立.
不過你主場好似無地方可以捉蟹仔播?