有感而發想當年 - 2

第一次見龍躉..................

好清楚記得係在1972年中, 我在船上工作已有兩年多, 當時正係貨櫃業嘅開始, 不過, 唔係大家認識同常見嘅20尺和40尺貨櫃， 而係一些8尺X8尺嘅鐵櫃, 主要裝載貴價貨品如音響及相機等。我做嘅雖然係散裝貨船, 但船上係設有十二個旅客房間。

由於散裝貨船起卸需時, 每到一個港口都會起碼最少停留上幾天。當時船係靠在東菲某港口, 除咗要工作同上岸飲酒作樂嘅同事, 好多人都會在碼頭上陲釣, 有用漁竿嘅亦有(大部份)用手絲作釣。釣到嘅魚有大有細, 所有人(包括我自已)都沒有保育意識, 大小通殺, 細魚用黎滾湯同煲粥, 大嘅就清蒸加餸同消夜。亦有部份送給在船上做起卸嘅工人。好奇怪, 當地人對所有班類魚獲都唔會要, 亦唔會食, 佢地話哩啲係鬼魚。唔只在菲洲, 南亞地區亦有好多人係同一樣睇法。當時有一個本土人同我講話在碼頭旁曾經見過有三四尺長嘅同類魚(班)在海裡。我心諗.........嘩........大石班喎...........非同小可, 跟住同船上啲人講, 有一個係水上人嘅水手話我知.....釣哩啲魚, 要用生猛蟹仔做餌。我馬上去市場, 只能買到手掌大小嘅生蟹數隻。回到船上, 我地幾個人各用上50磅至100磅手絲, 加中通鉛, 再鈎上用水草扎實嘅蟹仔放入海裡, 由下午等到天黑, 既無魚踪, 亦無魚信..........唉................(待續)

[ 本帖最後由 flyfisher 於 2008-10-15 12:33 編輯 ]

原帖由 flyfisher 於 2008-10-15 10:26 發表

                               
登錄/註冊後可看大圖

第一次見龍躉..................

好清楚記得係在1972年中, 我在船上工作已有兩年多, 當時正係貨櫃業嘅開始, 不過, 唔係大家認識同常見嘅20尺和40尺貨櫃， 而係一些8尺X8尺嘅鐵櫃, 主要裝載貴價貨品如音響及相機等。我 ...

uncle好吊..............癮呀 快D啦！快D啦！

期待中呀Uncle

原帖由 flyfisher 於 2008-10-15 10:26 發表

                               
登錄/註冊後可看大圖

第一次見龍躉..................

好清楚記得係在1972年中, 我在船上工作已有兩年多, 當時正係貨櫃業嘅開始, 不過, 唔係大家認識同常見嘅20尺和40尺貨櫃， 而係一些8尺X8尺嘅鐵櫃, 主要裝載貴價貨品如音響及相機等。我 ...

uncle、、點呀、、、、

哦?? uncle都嚟料?? 飛蠅血淚史????

期待啊~~~~~

uncle包裝一下出書都掂！

快d! 我好想聽埋佢! 咪鬼吊人癮啦.............

噢.. 加錯分添...

原帖由 kingston 於 2008-10-15 11:16 發表

                               
登錄/註冊後可看大圖

噢.. 加錯分添...

king sir咁蘇我呀

續上......................

唉.........一直等到差不多午夜, 絛100磅絲被拉走............合幾個人之力, 我地知道 絛魚係一定唔可以俾佢走入碼頭底嘅墩柱, 要同佢鬥力,  中100磅絲, 諗住無死喇........中大石班啦......但係在拉扯其間, 絛絲竟然斷咗。

之前有在新西蘭經驗嘅我, 即時叫各人將其它魚絲收起, 100磅嘅絲都斷, 50磅嘅絲實死梗。拎出絛400磅絲加上挪威鈎再試...........幾個人通宵達旦, 輪流守候, 等................等..............等............, 直至早上五時許, 又再有魚信, 再合幾個人之力, 好似拔河咁, 鬥大力, 拉拉扯扯都起碼成粒幾鐘, 最終都係我地贏咗。由於係在船上作釣, 於是揾人用繩同鈎帮手帶絛絲到碼頭邊, 亦同時唔俾幾會絛魚走入墩柱底。幾個人在船面上及碼頭上走里走去都好Q辛苦。加上四人之力才能拖絛魚到岸上。正好當時有工人在船上起卸貨物, 便揾人用繩網吊絛魚到船上, 哩絛大石班(唔識得係叫龍躉), 有六尺幾長, 重約三佰幾四佰斤, 船上啲工人亦全部停工在圍觀哩絛巨物, 耳語紛紛, 最後, 搬佢入雪房都要合數人之力, 方能完成。我自已嘛, 雖然成晚無訓, 心情實在太興奮, 想訓都訓唔到。當日晚飯有炒球, 清蒸, 炆魚頭, 魚皮同魚鰭等各式各樣煮法, 當然唔少得要飲返幾杯喇！佢塊面珠肉我只係能食得一小半, 一餐煮嘅實在過多, 但我地係要食新鮮囉！

由於係返香港途中, 整絛魚全船四十多人亦食咗两星期有多, 有剩嘅都全數帶回家與家人享用。

以後日子亦曾再釣上一尾細些少嘅龍躉, 不過都唔夠第一次咁興奮！

我後來再見龍躉, 亦只有在1977年新開嘅海洋公園同海鮮酒家等地方。感覺上都係自已釣上里嘅好味啲..........................(完)