手竿釣魚034---又係新釣場, 新紀錄

8月9日晚趁病好番, 又係出動舒展身心嘅好時機.
由於剛剛病好, 都係唔去禁遠, 去一個去開嘅釣場附近,
一個唔同嘅內塘出水位試下, 聽果到嘅師父講流水啱嘅話都有d魚仔釣下.
魚仔都好啦! 玩下姐!

一早6點幾去到就買左一両青虫, 跟住走去釣場食個飽先,
順便睇下果到d師父點釣魚先.
係石壆上有位師父用支竿冇21都有18尺長, 用浮波釣腳邊,
佢對出有一排嘅船, 所以佢兩邊都有好多繩.
一路睇, 個浮波一路係到游來游去, 有時左有時右, 唔通禁快有魚食餌, 有野睇.
再睇多一陣, 啊! 原來佢用生蝦, 隻蝦都有中指禁大, 仲好生猛添!
睇黎呢到真係有d大魚釣下禁播!

飽就食完, 緊係做正經野先! 開竿釣魚!
好快手, 18尺手竿加17尺1.5主單勾加成條青虫直出,
拋到幾出就釣幾出, 一粒夾鉛都唔落, 等條虫自己游.
因為諗住出面會有好多石, 所以就禁勺釣, 可能會比較得食.
點知, 釣左成個鐘, 魚仔都冇條, 唔係啦, 轉轉位先得.
結果走左去果個出水位到試下.

去到都係好靜下, 唔覺有魚禁, 可能因為係水位太低, 而水又未有漲嘅關係.
再釣多一個鐘到, 睇番頭先落過去嘅低位, 己經開始有水到, 仲越來越高添!
魚應該黎緊啦! 果然, 冇耐有條魚食得好細力, 都唔覺有拉過絲,
我諗係魚黎, 一於拉佢出黎睇睇.
原來係一條好細嘅 , 唔知係黃腳定絲立.
都好有魚釣到, 仲係第一次係海邊用手竿釣到立仔(立bb先真),
禁細條, 當然比佢番落去同家人團聚啦!
跟住第二條虫又落水, 過左一陣, 今次有明顯嘅魚訊,
輕輕拉一拉, 我比你食, 又拉一拉, 食多一陣, 跟住我拉佢上黎.
嘩! 今次魚又真係大條左喎!
用支18尺手竿彈佢上水都叫有d重量.
一條唔夠四指大嘅黑立就到左手, 本來想立即放佢返屋企,
點知佢食得太入, 除唔到隻勾, 唯有養住先.
黒沙立都係第一次用手竿釣到嫁.
第三條虫又跟手落水, 今次又睇到d水係禁漲, 有流, 正.
真係一條大過一條, 今次唔係細力拉, 都叫有d力水,
反應都未黎得切己比佢食左條虫啦!
由於知道有魚, 好快又第二條虫又出動.
今次做足準備, 佢又係大力拉竿, 我就立刻一揪...
1.5號主絲就禁斷左, 再換過條6號都冇魚咬過啦!
因為釣開大野, 冇買到其他幼絲. 1.5號諗住攞黎釣淡水用先會有.
我諗可能會係紅鮋黎, 因為見有人係到釣過!
既然, 時間都唔早, 魚又釣過, 早抖吧啦!
睇番條立仔, 口入面隻勾唔見左喎!
好囉!好囉! 禁咪下次見囉!
今次發覺, 原來勾成條青虫都係唔錯嘅魚餌黎, 下次可以再試下!

呢排好多立仔釣..用手竿玩都幾過引!!

好玩好玩，夜晚用蟲都幾好啵

fifa06cup 發表於 11/8/2013 23:36
呢排好多立仔釣..用手竿玩都幾過引!!

如果大條d會幾好玩！

kevin787 發表於 11/8/2013 23:39
好玩好玩，夜晚用蟲都幾好啵

用青虫都係第一次，下次唔知會唔會有條大魚上下呢？

師兄用17尺咁長絲會否好難FEEL到是否到底?
無咁深水咪好多虛絲?
THX

師兄用17尺咁長絲會否好難FEEL到是否到底?
無咁深水咪好多虛絲?
THX

我呢排狂中火點仔,大過手板少少既
星期六打左陣石壆,一點一狗.......叫緊斑點狗胡.......摸極都摸到隻班...
之後去左直壆,冇聲冇氣....不過隔離有個師兄筏攪黑吉竿上左條細鱗,大過腳板,我地仲見到一條巨物游來游去,保守估計兩呎+,師兄話係鱸魚黎
最後我直壆龜左,返龜

係度恭喜你釣到立魚呢....
其實我自己覺得1.5直出已經夠用了....
下次可以試下加返粒夾鉛或者有唔同既感受....

Thanatos王子 發表於 12/8/2013 00:16

                               
登錄/註冊後可看大圖

師兄用17尺咁長絲會否好難FEEL到是否到底?
無咁深水咪好多虛絲?
THX

由於當時可以講係冇乜水流, 所以用禁長嘅絲就係想釣出d!
拋出去, 就等條虫自己沉, 條虫會好漂好吸引.
過左一陣就會知到到左底, 因為條絲冇再沉落去.
然後再收番緊d虛絲, 仲可以吊高小小等佢又隋落過, 等魚訊.
不過後尾我有加番1b夾鉛就好好多!
你要自己試下先得!