失控了.........

我從來都係好清楚知到為何堅持釣魚. 我喜歡海, 喜歡少人煙燈火的地方, 喜歡係礁石上午睡, 喜歡海浪聲風聲.喜歡城市人享受不到的自然美,喜歡釣魚時的平靜,喜歡等的感覺, 喜歡有同無之間的anticipation, 喜歡中魚的刺激,喜歡成班儍更更又好好人釣友! 一出到海真係乜煩惱都無晒!!! 所以我一定堅持釣魚. 無得去釣我估我會死!

堅持釣魚的同時, 亦失去好多. 少了陪家人的時間, 少了同朋友的話題, 少了精神工作, 少了好多睡覺時間.多了的是因成日釣魚和男友抄架,是父母問我為乜要甘辛苦搞到自己個樣人唔人鬼唔鬼甘,同朋友的不理解奇異的目光. 重有厚粗左同成日脫皮的手! 在我而言,這只是堅持釣魚短短幾個月的後果. 再堅持落去會點? 係身邊的人漸漸明白理解我?或是會把他們對我的不滿和容忍度推到極限?我不願亦不敢多想,因已聽過不少前人的故事.

釣魚真係好似毒引甘… 我的毒引真係深到自己也開始驚…. 我可以cough 到嘔都係冬天連出兩三日礁 …可以為左去釣魚明明有meeting都改期..可以病都照出…可以隻腳有事情願唔做手術住( 因要著住個cast 成6星期)… 可以D手同shoulder 痛到麻都照去…昨日重死…見到本星期6同日 2級風而我出不到南油回到家差D喊左出來….明知自己狂熱得太過份..但又控制不到自己…真係ng知點算….我係唔係玩得太過份失控了.........

我老婆原本好喜歡我去釣魚既
而....................家已經開始有微言啦
可能我中毒太深啦

你真係失控了
有毛病做手術係急需ar；
六個星期姐；忍下手la。

太過沉迷都不是一件好事，量力而為吧！釣魚只是活動，凡事都以身體、工作及親人為重，釣魚為後，真係太大癮既，去買隻釣魚game玩吓啦

A Old fishingman told me..When you hook one, you will get HOOK.

初初系好鐘意去偷釣果個感覺 .. 覺得特別好玩 ! 但系人非草木 .. 玩玩下就會認真 .. 舉例  : 由 1千蚊 1套架撐 .. 玩到 1萬蚊 1套架撐 ..由玩 1次幾百蚊 .. 變做玩 1次千幾蚊 .. 日日茶飯不思 .. 返工等放工 .. 放工等放假 .. 都系為左去釣魚 .. 實在太沈迷 ..
每當做 1樣野 .. 玩得太投入 .. 都吾系好健康 .. 只會令到自己吾開心 ..個海 d 魚又吾系你既 .. 但系就當左系你自己既 .. 當人地去釣果陣時 .. 自己會吾開心 .. 咁你話呢種心態系乜野 ?! 我系鐘意釣魚定系愛釣魚呢 ?! 當我愛釣魚 .. 我個心就好痛 .. 當我鐘意釣魚 .. 就會開心 d .. 但系鐘意會慢慢變成愛 .. 都系要等好水 (時間岩) 先去釣把啦 .. 麻目咁去釣 .. 系冇結果 ..

保重身體呀sunhee姐,小問既時侯處理得唔好到日後手尾好長架,留得青山在那怕冇柴燒!保重呀!!!!!!!!!

好啦........退出磯釣界咪乜事都冇囉,戒咗佢啦..........
講真,唔好太投入呀,理性d,有d嘢為咗釣魚而失去咗好唔抵咖,
釣魚只不過係舒緩吓妳,放鬆吓妳,等妳個人唔使咁緊張,但係太投入變咗弄巧反拙,傷害到自己同別人噉我覺得好不智囉...............................

娛樂...悟係搵命博...你而家悟醫好佢...你第時想玩都無得玩仲大碌...

無魚釣死得重快..... 我ng理有冇魚, 總之出得就好開心... 無得出心都'up'埋...我估我迷上/愛上左fishig gae 感覺....真係ng知點好...我嗜好多,但真係末試過今次甘中毒....

隻腳好多年D舊問題, doctor 話係worry 5年-10年之後.... 所以真係ng想搞佢. 而家行得走得無乜大problem.

係米人人都會甘定只有我一侗係甘ah?