最難忘的童年釣魚經歷

當時係冬天..大約十歲果時同友人及哥哥一起在赤柱釣魚,
年紀太細沒有釣魚知識只穿拖鞋不顧安全之後..搵到釣位
就上左去近邊位釣突然失足跌左落海又唔識游水好驚淨
係飲海水心諗一定死緊係死一刻見到我阿哥比隻腳我
捉住而友人就不停大聲叫救命..好彩附近有隻小艇過來
救起送上岸..跟住即刻返屋企但係震過貓王, 當我返到屋企
就即刻換衫如果阿媽知道就PK..正所為好既野就冇人知
但係需既野就通街都知.阿媽返到一開口就講你跌左落海
我話冇..D街坊講喎...你以後唔準再去釣魚一係你就學好
游水先可以去釣魚...從果日開始就走去學游水跟住停止釣魚
直到十六歲後再次接觸釣魚活動.....

所以這個經歷感受到就是最重要注意個人安全為先,魚獲有冇都唔重要

無錯!釣魚係為開心,釣魚時應注意個人安全!!

我都有次唔小心善左落水..

好彩爬番上去=口=~

所以我依家都好小心行事

原帖由 Billabong割親 於 2007-5-4 23:14 發表
當時係冬天..大約十歲果時同友人及哥哥一起在赤柱釣魚,
年紀太細沒有釣魚知識只穿拖鞋不顧安全之後..搵到釣位
就上左去近邊位釣突然失足跌左落海又唔識游水好驚淨
係飲海水心諗一定死緊係死一刻見到我阿哥比隻腳我
...

經一事長一智,安全第一做好預備功夫,由其出礁,一對磯鞋同一件救生衣,唔係誇張講句,真係可以救一命架,打個比喻,就算一個人點熟水性都好,冇呢兩樣架生,一個唔小心(線)腳,輕則手腳花哂,重則分分鐘撞到暈左跌埋落海你話點算,同埋有d外礁位一下唔小心跌左落海,其本上你一定唔可以向岸游,因為太大湧大浪,所以我相信向海出面游,等岸上既釣友call艇黎救比較上係好d,意外即係意料之外,所以呢兩樣野出礁磯釣我覺得真係唔小得,以上係小弟既個人見解,有咩講錯請各位師兄前輩指點,唔好怪小弟長氣,肺府之言,安全第一!!!!!!!!!!

[ 本帖最後由 飄飄然 於 2007-5-4 23:59 編輯 ]

唔識遊水真係好危架!!
但父母唔負責任一樣咁慘!!!
我試過一次自己過年後去榕樹澳石x魚排(猫排),
船埋排後諗住上去喇,走左個女人過黎問有無帶多件衫??
原來佢個仔落左落水,成身濕晒!!
大佬!!邊度搵衫借俾佢呀
佢老豆仲掛住釣魚添,你話死唔死!!!
原來條靚仔跌落水果陣,佢父母都唔知,
好在有人見到執番佢上黎!!
咁樣做父母真係第一次見到!!

無錯最緊要就係安全 唔識游水就要學到識為止

原帖由 naobao 於 2007-5-5 00:08 發表
唔識遊水真係好危架!!
但父母唔負責任一樣咁慘!!!
我試過一次自己過年後去榕樹澳石x魚排(猫排),
船埋排後諗住上去喇,走左個女人過黎問有無帶多件衫??
原來佢個仔落左落水,成身濕晒!!
大佬!!邊度搵衫借俾佢呀
...

爆叔有冇問佢老豆係咪行船架!!!!!!!!!!!!!!!!!!

其實我多口講句..而家出外礁嘅朋友..有幾多個有條大約30m救生繩係置物袋度...唔好睇小呢條救生繩..到你要用嘅時候..佢可以救番一個人架...

原帖由 飄飄然 於 2007-5-5 00:15 發表

爆叔有冇問佢老豆係咪行船架!!!!!!!!!!!!!!!!!!

見佢老豆真係屎到滾埋,
佢個仔都抵死,乾左之後又喺個排走黎走去....

原帖由 飄飄然 於 2007-5-4 23:54 發表

經一事長一智,安全第一做好預備功夫,由其出礁,一對磯鞋同一件救生衣,唔係誇張講句,真係可以救一命架,打個比喻,就算一個人點熟水性都好,冇呢兩樣架生,一個唔小心(線)腳,輕則手腳花哂,重則分分鐘撞到暈左跌埋落海你話 ...

YES!支持
唔好怪小弟長氣,肺府之言,安全第一X2