睇到有D POST,講到討論區有D幽靈會員問題,有感而發下啫,
其實我以前係其他釣魚討論區都係做幽靈多,淨係睇又唔發言,主要都係收下風,睇下邊到有料到,不過心照啦,我自已都係香港人,知道有好嘢點會禁快爆出黎呀....九成D風唔係過哂期,一係就唔會講係邊到釣到,始终,三唔識七,講都講比D老朋友聽先啦,所以,又係睇完就算,熄機,訓!
又又唔知點解D中魚相個個塊面大多都打哂格仔,鬼五馬六,又唔係偷,唔係搶,之不過都係想同其他識或唔識既人分享下D中魚既喜悦啫,
我知你又會話,呢期興私隱呀嗎!不過,就算POST完果真面目,出到街都未必認得你啦,又唔係大明星,就算認得咪當識多個釣魚FD吹下水囉,老豆教落,多個朋友好個多敵人,係咪!
之不過,有一日上上下網LINK下LINK下去咗呢到,可能個網重新,又或者你哋本身FD底啦,感覺D人留POST同回應既態度NICE啲,重有最重要就係小咗見到D打格仔相,舒服咗,自自然然就入會嘞!(唔係賣廣告,呢到D人九成唔識,又無$收,無必要咁做!)
最後最後,其實大家成日話保持釣場清潔,小魚放生等等,
其實上開網睇開既,又或者睇開釣魚書,都成日見D相關既對白啦,既然知道個害處,如果重係人,無奶由唔做格,
但係,破壞咗果班人,會唔會係唔上網,唔睇書呢,其實呢班人都占釣魚人口好大比例,咁大家又有無度個點去教呢班人呢,D業界及政府係咪應該做番D嘢或攪下活動宣揚下比呢班人知個海有幾危呢!簡簡单单,做D POSTER貼係釣魚舖,十個睇完有一個肯改都係有進步........
哎,都唔知自己講緊嘜,如果你都有同感既就當自己發咗場夢,比比面,手下留情唔好扣小弟分,我唔識倉頡唔識速成,係用塊手寫板寫左好很奈咖!...........完.熄機,訓 |
提升卡
置頂卡
沉默卡
喧囂卡
變色卡
千斤頂
顯身卡
