硬硬膠膠又一天@2013

naobao · 發表於 28/10/2013 09:37:26

恭喜"黑雲"版大,全日以八條魚取勝!!
技勝一籌,實致名歸!!
恭喜佢獨取價值六舊水嘅假餌!!
2013-10-27 15.11.30.jpg

昨日成班硬膠仔,硬硬膠膠咁樣入左去一個可以玩硬膠嘅硬膠場,
目的為乜??咪硬膠賽囉,魚場唔玩軟膠玩硬膠,
講真...都好硬膠吓..因為.難度高呀!!
個場都有唔少人黎釣魚,
咁樣仲好,難度高D嘛!!
一聲開始,大家作鳥獸散,即刻周圍搵食,
今次比賽又係鬥條數,
我地唔打印仔了,大家各自用手機拍照作記錄,
所以我都有得玩!!
昨日我又唔可以話無魚釣,因為玩生餌的都有唔少魚,
不過玩硬餌真係好很難釣,
大家不斷不斷咁釣,都係未能中魚,
不過有位硬膠人例外...
黑雲版大真係好勁,隔一陣又中一條,
完全係釣技取勝!!標點分析...動作操控...路亞應用...作合準確度...缺一不可...
有D人話魚場容易釣到魚...
有D人話魚場中唔到魚係因為無魚...
其實係咪你技差一皮呢??
有參加比賽的,昨日就睇到技術高低之分別喇,
當然,小弟都係技術低果一個!!