真人真事！ 絕非吹水
N年前的農歷7月13日,我同4名朋友去大浪西灣宿營及釣魚住合X旅社老闆叫黎伯、約9時飯後一同5人去左沙灘玩，而當時沙灘很黑沒有半點燈光只有一支 gas 燈，當時有3人 (包括我 )在沙灘捉蟹、有 2 人落水打魚其中一人係潛水教練、而佢地打魚的位置是在大浪西灣中間的出水石附近相信去過都會知。一路都無事、約到 10 時半左右就大獲啦！ 。當時我地 3 個聽到佢地潛水位置附近有人大叫、、、之後我地 3 個立刻跑過去隱約聽到 : 仆街，大 X 獲，好 X 大丫。之後我地立到爬上出水石用 GAS 燈照啦、但現場真係好黑，只見到教練支潛水電筒在水中周圍照其他乜都睇唔到。心諗大 X 獲會唔會係鯊魚呢？
我地又唔敢落水幫拖個個都心急如焚。約 30 秒後終於見教練拖左强仔上來、2 人都搏命游番來好采 D 浪向岸冲，因為 2 人都接近虛脫。之後我地就立刻拉 2 人上水之後見到強仔雙腳有20多條爪痕，當時我地都估到咩事、之後問都無問就抬左 2 人回屋。等佢兩個回過神後才問當時發生左乜事、之後強仔就講 ：
佢地一路潛都無事，突然强仔佢浮上水換案時在佢前方約 15 尺外見有一黑色物體慢慢由水中浮上水面、係乜佢就睇唔到。當浮曬上水面後該物體立刻高速游向佢，之後强仔立刻被大力拉落水底、之後强仔大力在水中掙扎但點都無用、之後教練見到就火速去救強仔但點拉都拉唔到佢上來、當教練第3次換氣落水時佢覺得有古怪後佢立刻除左自己條頸鍊落尼、因鍊上有尊開過光的關二哥像。之後佢潛番落水一野拍落去强仔隻腳到，强仔立即被放開似的可以浮上水。之後就係佢地上到水搏命游回來......
約零晨一時左右，見成個鐘後好似無乜事，屋又唔近海邊於是我地3個係屋前宵夜BBQ初時都無特別,對面旅舍的狗突然彈起身向我右手面的小徑狂吠,我地3個即時嚇一跳、同不安，因為中午時我地入過去睇過,可唔可以落到條溪捉蟹,所以知道裏面係掘頭無路行.隻狗吠咪呢?之後隻狗仲退後及由吠轉哀鳴,我地3個即二話不說走番入屋及在門窗上掛上佛像頸鍊,一直無訓到天光。( 本人亦有一尊開過光的觀音像頸鍊 ) 。之後好彩都無事。
於食早餐時有一個本地居民阿伯行過來問我地,尋晚係咪喺出水石到玩，同叫我地唔好再去、玩唔過嫁細路原因佢就無講，但大家都心領神會拉。之後行程完畢。
當晚教練打電話去恐 X 熱線到講番件事,當時有好多人回應,其中一個係原村民,佢話我地真好采,無出事,另一個則講我地落水的時間正在子時左右即7月14剛剛開門的時間、好采你地走得快如果唔係後果不堪設想。之後仲送左 2 張 大頭怪嬰的戲票比教練。
幾日後那裏出了事,有一名人仕落海救人時,不幸遇溺。大家可番查舊報紙就知！
最後奉勸各位釣夜魚時最好多D 人 及做好安全準備, 及農歷7月份夜水就真係忍下手當休魚期。 |
提升卡
置頂卡
沉默卡
喧囂卡
變色卡
千斤頂
顯身卡
樓主
發生個日雖然悟係七月十四...但都係七月...初四...