25/1 -- 城門欺寧事件二-- 我好天真, 好傻.

話說上次俾雙魔迫咗去寒冰位都能死裡逃生, 今次倆隻衰嘢又出奸計,
一開始就話要釣土鯪先計數5點收工, 又話讓我用15呎, 不過就要坐中間.
善良的我唯有遵從佢哋啦. 點知成個上晏我支標定一定,
而地魔就耐不耐都有溪哥仔, 藍刀仔.....


中午食過杯面後, 靜靜雞裝吓佢搞乜, 終於俾我發現,
原來地魔釣半水專捉溪哥仔, 係我左邊不停上溪哥,
之前重同我講佢D餌落唔到底好難釣到土鯪.
(大佬你調到水線兩呎零, 粒餌點落底呀, 講大話都唔斬眼,,,).


另一邊人魔支標又係無反應喎,,, 但佢呆呆地望著支標口UP UP話,
"今D日土鯪食得好輕口,一定要幼線細鉤. " ,
我又聽佢講, 轉用1.2主04腳, 跟著出埋絶招"手竿CHOK魚" 終於俾我鉤到條土鯪仔,
但佢地又話鉤身唔計, 好啦唯有努力繼續打竿啦,


其間地魔不停上溪哥,又牙斬斬寸寸貢叫我快轉12呎釣溪哥, 否則要坐到收工.
好彩我得沉住氣唔理佢, 因為我心諗"話咗釣土鯪就要釣土鯪,最多咪打龜. "
正所謂"人善人欺, 天不欺" ,係4:40俾我上到條食正口的土鯪. 地魔先收口咋.


係呢個時候, 人魔己經呆呆地坐咗6個鐘, 見我上魚馬上話今日要加班半個鐘先肯走.
人算不如天算, 4:58俾佢上番條40CM肥鯉, 佢即刻又鬆毛鬆翼話差兩分鐘先五點喎..!
係幫條鯉魚映相時, 俾我睇到佢用1.5主08腳, 5袖鉤. 佢根本一早就係諗著捕鯉魚.
又坤我用幼線細鉤, 正大話精.


"正衰鯉, 食遲三分鐘都唔怕餓死你啦..." (我之心聲).
上咗呢條鯉魚後, 我哋三個都無上過魚, 只係附近的釣友上咗條30+鯉魚.
五點半開開心心回家....
全日漁獲==========
地魔-- 藍刀5, 溪哥30.
人魔-- 溪哥1, 紅寶石1. 40CM鯉1.
SKYCAY-- 土鯪2.


P.S : 今日又見人放生, 有巴西龜, 生魚, 田雞, 最攞命連青蟹都放落水塘.
       引咗好多鷹唻捉田雞. D鷹真好眼力, 由天直插落水面捉田雞.厲害...!

多謝分享!!

skycat772 發表於 27/1/2014 11:33
話說上次俾雙魔迫咗去寒冰位都能死裡逃生, 今次倆隻衰嘢又出奸計,
一開始就話要釣土鯪先計數5點收工, 又話 ...

你真好耐性,加時釣埋夜水嘛

亞昌 發表於 27/1/2014 18:56
你真好耐性,加時釣埋夜水嘛

我都想但車主只可加班到5點半咋...
不過水塘真係夜水先有境.
日頭去都係睇水多....

見人放田雞，即刻轉釣田雞嗎！

kk.kk 發表於 27/1/2014 23:02
見人放田雞，即刻轉釣田雞嗎！

我就無, 其他釣友又玩手竿chok 田雞好易中...
又有個呀嬋撈左起碼30隻, 整沙窩田雞. 正.!

skycat772 發表於 27/1/2014 21:10
我都想但車主只可加班到5點半咋...
不過水塘真係夜水先有境.
日頭去都係睇水多.... ...

不過城門我就吾敢夜釣咯

城門夜釣，分分鐘發現有好多個影係你後面睇你釣魚
可能....仲有地膽(人)問你挫唔挫d

亞昌 發表於 28/1/2014 08:32
不過城門我就吾敢夜釣咯

係咪真係咁猛呀...........?
連你都驚......?.{:62_3979:}

hideson 發表於 28/1/2014 15:10
城門夜釣，分分鐘發現有好多個影係你後面睇你釣魚
可能....仲有地膽(人)問你挫唔挫d
...

HIDESON 你無有係城門夜釣過呢.....?
乜城門重邪過猛鬼湖咩....?