1/5/2014 -- 鯪 的突破

今日三魔又設局引我去打龜... 好彩我早有準備, 上網搵到98釣王程老師秘笈,
係108回之土鯪攻略. 諗著果三隻嘢重唔死....!


豈料"道高一尺, 魔高一丈" , 原來佢地一早安排人魔釘死我, 係我左邊狂打大頭餌,
天魔係右邊截住晒D 土鯪. 地魔就在遠處坐享"漁人之利" .


佢地呢個天魔局非常有效, 成個早上我同人魔不停上指甲非, 紅寶石, .
中午飯後, 我就假意獻媚, 令天魔飄飄然傾囊相授釣鯪魔經...
終於給我上到一條手臂咁長土鯪. 此時天魔才知中計,


三魔即時內訌, 互相指罵, 繼而真身盡現, 跟著口吐白沬, 翻肚而亡....
5點開開心心回家....


全日釣獲----
天魔-- 小烏龜3, 大頭仔/紅寶石/指甲非N.
地魔-- 小烏龜1,
人魔--  大頭仔/紅寶石/指甲非N
SKYCAT-- (BB仔)手臂長土鯪1,  大頭仔/紅寶石/指甲非N

哈哈哈! 想笑死人咩!

skycat772 發表於 2/5/2014 09:58
今日三魔又設局引我去打龜... 好彩我早有準備, 上網搵到98釣王程老師秘笈,
係108回之土鯪攻略. 諗著果三隻 ...

未亡呀！亡左边有下集，原來你隻貓先係魔中之魔，昂藏六尺，居然假以(獻媚)，仲居然話條土O長過你手臂，你啱啱患左小童麻痺証？定比人斬短左，簡直比双木先生更老作。吾比你贏番次，三魔戰天貓咪停刊，D讀者會好失落！

你有無咁多假呀
...

如果唔貪份工有微薄醫療福利..真係要問你果邊請唔請保安員.

FELIX009 發表於 2/5/2014 11:59
哈哈哈! 想笑死人咩!

呢篇係特長……篇小說，魚樂網獨家刊載，為求令魚友們睇得精彩過引，故集我們四人之力，絞盡腦汁，火裡火裡去，水裏水裏游，敬希各魚友多多棒場，加多D分比隻貓！

martin4234 發表於 2/5/2014 14:27
你有無咁多假呀
...

鬼叫你老婆嫩，又要供樓，後生仔，捱吓啦！我係你呢个年紀日做16个鐘，仲冇乜假放呀！

HK1 發表於 2/5/2014 14:44
鬼叫你老婆嫩，又要供樓，後生仔，捱吓啦！我係你呢个年紀日做16个鐘，仲冇乜假放呀！ ...

我秘撈要伸請...又唔想放工執紙皮..又無勇氣食臭河魚充飢...慳飯錢


唯有.....日釣16个鐘... 解壓

咁既手臂鯪魚，是但執條籃刀大過佢。

FELIX009 發表於 2/5/2014 11:59
哈哈哈! 想笑死人咩!

多謝捧場,
唔講邊有得笑呢....?
不過笑死無得賠架....{:62_3955:}

HK1 發表於 2/5/2014 14:19
未亡呀！亡左边有下集，原來你隻貓先係魔中之魔，昂藏六尺，居然假以(獻媚)，仲居然話條土O長過你手臂， ...

為咗滅魔不惜犧牲色相,
獻媚給天魔, 可謂能忍人所不能忍. 必可列入仙班.

你係咪盲呀...? 我咪寫咗BB仔手臂咁長囉...!