和仔果度~是美菲路

naobao · 發表於 14/7/2014 01:37:23

熱到爆的比賽日...

12條友仔,好努力好認真咁玩左一日,
2014-07-13 17.11.22.jpg

恭喜和仔大人以20條勝出,

恭喜恭喜...真係釣得唔錯!!
多謝維記版主大人頒獎

搵到位印度朋友頒個現代金獎俾佢

睇吓佢見到錢幾滿足

尋日特別為好耐無攪嘅前打比賽,做左新獎牌,
2014-07-12 20.32.18.jpg

不過個設計比較脆弱,所以要保護得小心D
2014-07-12 22.09.22.jpg

今日上水等齊人之後,
當然第一時間分批打的入釣場,
不過時間就早左D,因水仲未退到河邊平路之下,
大家唯有搵條蔭道避吓先,
2014-07-13 11.02.21.jpg

順便吹吓水,準備定D架生,
坐吓坐吓...突然間落左一陣雨,
好在只係過雲雨...
小弟平時甚少玩前打,
今日都黎同大家玩吓比賽,真失禮...哈哈哈哈哈!!
其實主要都係趁機會觀摩吓學吓野,
比賽初段,因水仲比較漲,
魚都係集喺近渠口一帶(今日比賽範圍不包括渠口)
所以成班人都係企近上一段位置,
而且不需大幅度走動都有魚中到,
大家都好努力去玩,不過天氣竇在好熱,
而且全段位置都無遮擋,都有D吃力!!
我自己玩左好一段時間都未;中到魚,實在有D著急,
不過見到其他釣友都好努力作賽,我都不敢鬆懈!!
好在經呀胡仔提點,轉換較輕嘅鉛及勾,
漸漸把握到魚信,以及適時嘅作合時機,
今日自己嘅成績,已經係超額完成!!
前打...中魚...作合...果一刻真係好正!!
好多謝今日有個機會俾我學吓野,
有位師兄今日帶左支Hechi竿比賽,
因釣點關係,釣得都幾辛苦,
佢都相當唔錯,好努力咁克服釣具上嘅限制,
另外呀偉兄都要一讚,
雖然佢玩前打經驗比較淺,
又無乜釣過呢度,雖然中魚係最少,
但體育精神一流!!
雖然今日只係小比賽一場,
都盡力戰鬥到底!!
隨住時間過去,水漸退,
釣場環境又起變化,
之前聚喺上面嘅魚,又開始分散,
而且流速亦加快好多,
大家開始要跟流一路行一路操控釣組,
而且魚亦有時靠外面,有時靠腳邊,
轉來轉去,觸摸不定!!
和仔今日勝出主要原因係...
佢把握呢種變化嘅反應比我地快,
所以經常捉到先機,
我都要睇住佢中魚時嘅位置而作出變化反應!!
本來今日係預5點鐘結束,
不過太陽實在太利害,
唯有提早一粒鐘...4點收皮!!

今日好感謝各位師兄支持,
亦多謝天公做美,比賽途中無落雨,
見到大家咁認真對待一場咁小兒科嘅比賽,實在開心!!
今日因需要維記及偉兄兩位手足幫手為大家計分,
影響左你地表現,實在抱歉!!
賽前準備亦好多謝胡仔幫手!!

各位前打同好,希望同大家喺9月份嘅淡打賽再見!!