|
7月28日(星期一)補假又走左去大埔魚場釣魚，` 今次目標係認真咁試下支"仙竹"並繼手竿改成前打嘅手感,睇下仲有乜可以留意。 魚餌方面都好充足：南極蝦，泥猛膏，橫集？(好細條嘅魚仔),池仔，死蝦等。
8點前就到左魚場，好快手就開好支竿，4號尼龍單勾直出， 第一口餌用泥猛膏，8點準時落水。 頭15分鐘試左收費站下面個位，零反應。轉位。 之後走去塘尾，試左一陣，就有魚開口食餌。 雖然係新竿但有玩開手竿直感，當佢由虛絲開始食，第一時間就感覺到， 仲見到條絲有小小振。跟手攪緊小小，振動就大左小小，不過都係好細力。 唔想理咁多細力向上提高支竿就中左。 估計條魚都係半斤到，支竿已經可以彎到去90度，證明支竿都好軟下。 腰力都唔錯，唔駛點郁都可彈番條魚上水。 玩左一陣，條魚開始上水，見到原來係黃立䱽。 但係冇撈箕嘅情況下，好難攞條魚上水，新竿真係唔感就咁彈佢上水。 好彩，由於個塘入緊水，令到水位上漲。塘尾嘅地台有D位浸左水， 當條魚冇力浮係水面嘅時候，就咁拖佢上水浸左嘅地台，咁就唔駛用撈箕啦。 之後再用泥猛膏，又過左半個鐘，又係細細力食餌。 玩左一陣見到係花細倫（包公）比第一大又有力D， 要拖佢上水有少少困難，最後都冇驚險下又攪掂一條。用尺度一度都有35cm長。 之第三口餌改用橫集，睇下有冇其他大魚玩下。 20分鐘後，又係輕微魚訊，細力一豆，又上左一條立仔。 頭個半鐘上左三條魚，睇黎今日都好順利喎！
點知隨著太陽越升越高，氣溫也越來越熱，D魚都唔肯開口食餌。 走均成個塘，最後12點到都係去番塘尾。又係勾條橫集試下。 就咁樣到左今日嘅高潮，都係唯一一次咁大把！ 由於走左成個塘，手都有D攰，就將支竿放係膠椅嘅手柄上， 等左好耐又係輕微食餌，跟著攞支竿上手細細一豆，條魚先開始發力。 冲力都好大，沉穩有力，但唔係快果種，仲可以比我大力拉番轉頭，應該唔係星鱸黎！ 當條魚第一次停落黎嘅時候，從支竿比番我嘅感覺係，好似中左地球，條魚訓左係塘底。 咁我就升起支竿，扯條魚離開個底，感覺直情係吊起舊石頭咁。 一放底支竿，條魚又開車走，走唔夠一陣又沉落底。 向外走就放絲比佢手少少，然後又拉佢番轉頭。 如事者四五次後，最後比佢發力向外走拉斷絲收場。 都係怪自己有認真對待佢就咁就比佢走左。
一直到3點半在臨走前15分鐘，走番魚棚右邊試下。 果然係得食位，連續上左三條花細倫。 咁就結束左今日嘅行程。
支竿睇黎仲有可以發揮嘅空間，又要下次再試過先得!!
| 
[複製鏈接]
提升卡
置頂卡
沉默卡
喧囂卡
變色卡
千斤頂
顯身卡
樓主